გაეროს უშიშროების საბჭოს რეზოლუცია 186

გაეროს უს რეზოლუცია 186
კვიპროსი
თარიღი	4 მარტი 1964
სხდომა №	1102
კოდი	S/5575 (დოკუმენტი)
თემა	კვიპროსის საკითხი
კენჭისყრა	მომხრე: 11 წინააღმდეგი: 0 თავი შეიკავა: 0
შედეგი	მიღებული
უშიშროების საბჭოს შემადგენლობა
მუდმივი წევრები	აშშ  გაერთიანებული სამეფო  საფრანგეთი  სსრკ  ჩინეთი
არამუდმივი წევრები	ბოლივია  ბრაზილია  ჩეხოსლოვაკია  სპილოს ძვლის ნაპირი  მაროკო  ნორვეგია

გაერთიანებული ერების უშიშროების საბჭოს რეზოლუცია 186, რომელიც ერთხმად მიიღეს 1964 წლის 4 მარტს 1963-64 წლების კვიპროსის კრიზისის დროს, მოუწოდებდა ყველა წევრ სახელმწიფოს დაეცვათ ქარტიით გათვალისწინებული ვალდებულებები, სთხოვდა კვიპროსის მთავრობას მიეღო ყველა საჭირო დამატებითი ზომა ძალადობისა და სისხლისღვრის შესაჩერებლად და მოუწოდებდა კვიპროსის თემებსა და მათ ლიდერებს რომ ემოქმედათ თავშეკავებულად. შემდეგ რეზოლუცია რეკომენდაციას უწევდა სამშვიდობო ძალების შექმნას საერთაშორისო მშვიდობის შენარჩუნებისა და საბრძოლო მოქმედებების განმეორების თავიდან ასაცილებლად, ასევე იმას, რომ საბერძნეთის, თურქეთისა და გაერთიანებული სამეფოს მთავრობებთან შეთანხმებით დანიშნულიყო შუამავალი, რომელიც შეეცდებოდა კვიპროსის წინაშე არსებული პრობლემის მშვიდობიანი გზით მოგვარებას.

რესურსები ინტერნეტში

• Text of the Resolution at undocs.org