გაეროს უშიშროების საბჭოს რეზოლუცია 1444
 რეზოლუცია 1444 | |
|---|---|
| თარიღი | 27 ნოემბერი, 2002 |
| სხდომა № | 4651 |
| კოდი | S/RES/1444 (დოკუმენტი) |
| თემა | სიტუაცია ავღანეთში |
კენჭისყრა |
მომხრე: 15 წინააღმდეგი: 0 თავი შეიკავა: 0 |
| შედეგი | მიღებულია |
| უშიშროების საბჭოს შემადგენლობა | |
მუდმივი წევრები |
|
არამუდმივი წევრები |
|
.svg){kind=small}
გაეროს უშიშროების საბჭოს რეზოლუცია 1444 მიღებულია ერთხმად 2002 წლის 27 ნოემბერს. ავღანეთში არსებული ვითარების შესახებ მიღებული ყველა წინა რეზოლუციის, განსაკუთრებით 1386 (2001) და 1413 (2002) რეზოლუციების, ასევე ტერორიზმის შესახებ 1368 (2001) და 1373 (2001) რეზოლუციების დადასტურების შემდგომ, გაეროს უშიშროების საბჭომ საერთაშორისო უსაფრთხოების ხელშემწყობი ძალების (ISAF) მანდატი 2002 წლის 20 დეკემბრის შემდგომ კიდევ ერთი წლით გაახანგრძლივა.[1]
გაეროს უშიშროების საბჭომ აღიარა, რომ ავღანეთში უსაფრთხოებისა და კანონის უზენაესობის უზრუნველყოფის პასუხისმგებლობა პირდაპირ ავღანელ ხალხს ეკისრება. უშიშროების საბჭომ დააფასა თურქეთის ხელმძღვანელობა საერთაშორისო უსაფრთხოების ხელშემწყობ ძალებში, რადგან მანამდე საერთაშორისო უსაფრთხოების ხელშემწყობი ძალები გაერთიანებული სამეფოს კონტროლის ქვეშ იმყოფებოდნენ, ასევე მრავალი ქვეყნის წვლილი საერთაშორისო უსაფრთხოების ხელშემწყობ ძალებში.[2] ამავდროულად, უშიშროების საბჭო მიესალმა გერმანიისა და ნიდერლანდების წინადადებებს, ჩაენაცვლებინათ თურქეთი საერთაშორისო უსაფრთხოების ხელშემწყობი ძალების ხელმძღვანელობაში.[3] გაეროს უშიშროების საბჭომ ასევე დაადგინა, რომ ავღანეთში არსებული ვითარება საერთაშორისო მშვიდობასა და უსაფრთხოებას საფრთხეს უქმნის და საერთაშორისო უსაფრთხოების ხელშემწყობ ძალებს მანდატის შესრულება მოსთხოვა.[2]
გაერთიანებული ერების ორგანიზაციის წესდების მეშვიდე თავის შესაბამისად მოქმედმა გაეროს უშიშროების საბჭომ ავღანეთში საერთაშორისო უსაფრთხოების ხელშემწყობი ძალების ავტორიზაცია 2003 წლის 20 დეკემბრამდე, ერთი წლით გაახანგრძლივა, და საერთაშორისო უსაფრთხოების ხელშემწყობ ძალებში მონაწილე ყველა ქვეყანას მანდატის შესასრულებლად ყველა აუცილებელი ზომის გამოყენებისკენ მოუწოდა. სახელმწიფოებს მოუწოდეს, უზრუნველეყოთ პერსონალით, აღჭურვილობით და სხვა საჭირო რესურსებით საერთაშორისო უსაფრთხოების ხელშემწყობი ძალები და ნებაყოფლობითი ფონდი.
დასასრულს, საერთაშორისო უსაფრთხოების ხელშემწყობი ძალების ხელმძღვანელობას მანდატის განხორციელების შესახებ კვარტალური ანგარიშების წარდგენა დაევალა. აღნიშნული ძალები მანდატის განხორციელებას მხოლოდ დედაქალაქ ქაბულში ახერხებდნენ, ხოლო ავღანეთის მთავრობამ უსაფრთხოების უზრუნველსაყოფად ძალების მთელი ქვეყნის მასშტაბით განლაგება მოითხოვა.[4]
იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ „Security Council, extending authorisation of assistance force by one year, says situation in Afghanistan still threat to international peace and security“. United Nations. 27 November 2002.
- 1 2 Swain, Ashok (2009). The democratization project: opportunities and challenges. Anthem Press, გვ. 26. ISBN 978-1-84331-314-4.
- ↑ Conte, Alex (2005). Security in the 21st century: the United Nations, Afghanistan, and Iraq. Ashgate Publishing, Ltd, გვ. 58. ISBN 978-0-7546-2442-4.
- ↑ Associated Press (28 November 2002). „UN extends forces in Kabul“. The Age.
| |||||