გაეროს უშიშროების საბჭოს რეზოლუცია 1146
 რეზოლუცია 1146 | |
|---|---|
 ნიქოზიის ჩრდილოეთი ნაწილი, ფონზე ჩანს ჩრდილოეთ კვიპროსის დროშა | |
| თარიღი | 23 დეკემბერი, 1997 |
| სხდომა № | 3,846 |
| კოდი | S/RES/1146 (დოკუმენტი) |
| თემა | კვიპროსის მდგომარეოა |
კენჭისყრა |
მომხრე: 15 წინააღმდეგი: 0 თავი შეიკავა: 0 |
| შედეგი | მიღებულია |
| უშიშროების საბჭოს შემადგენლობა | |
მუდმივი წევრები |
|
არამუდმივი წევრები |
|
.svg){kind=small}
გაეროს უშიშროების საბჭოს რეზოლუცია 1146, მიღებული ერთხმად 1997 წლის 23 დეკემბერს, მას შემდეგ, რაც გაიხსენა კვიპროსთან დაკავშირებული ყველა რეზოლუცია, განსაკუთრებით რეზოლუციები 186 (1964), 939 (1994) და 1117 (1997), საბჭომ გააგრძელა გაეროს სამშვიდობო ძალების კვიპროსში (UNFICYP) მანდატი კიდევ ექვსი თვით, 1998 წლის 30 ივნისამდე.[1]
კვიპროსის მთავრობა კვლავ დათანხმდა UNFICYP-ის კუნძულზე ყოფნის გაგრძელებას. ცეცხლის შეწყვეტის ხაზის გასწვრივ დაძაბულობა კვლავ მაღალი იყო, თუმცა სერიოზული ინციდენტების რაოდენობა შემცირდა. ასევე აღინიშნა, რომ გაიზარდა შეზღუდვები UNFICYP-ის გადაადგილების თავისუფლებაზე და მოლაპარაკებები ორმხრივად მისაღებ გადაწყვეტაზე კვლავ ჩიხში იყო შესული, მას შემდეგ რაც გაიმართა ორი პირდაპირი შეხვედრა კვიპროსსა და ჩრდილოეთ კვიპროსს შორის.
UNFICYP-ის მანდატი გაგრძელდა 1998 წლის 30 ივნისამდე. მნიშვნელოვანი იყო, რომ მხარეებს სწრაფად შეეთანხმებინათ UNFICYP-ის მიერ შეთავაზებული ზომები დაძაბულობის შესამცირებლად. ასევე გამოითქვა შეშფოთება სამხრეთ კვიპროსში სამხედრო ხარჯების ზრდასა და უცხოელი ჯარების რაოდენობის შემცირების ნაკლებ პროგრესთან დაკავშირებით. ამასთან დაკავშირებით საბჭომ მოუწოდა კვიპროსის რესპუბლიკას შეემცირებინა თავდაცვის ხარჯები და გაეყვანა უცხოელი ჯარები, საბოლოო მიზნად კი მთელი კუნძულის დემილიტარიზაცია დაასახელა.[2]
არსებული მდგომარეობის მიუღებლობის კიდევ ერთხელ ხაზგასმის შემდეგ, საბჭომ მიესალმა გენერალური მდივნის კოფი ანანის განზრახვას, რომ 1998 წლის მარტში მოლაპარაკებები განეახლებინა, და ორივე კვიპროსელ ლიდერს მოუწოდა თანამშრომლობისკენ გენერალურ მდივანთან. ასევე მიესალმა ლიდერებს შორის ივლისში 1997 წელს მიღწეულ შეთანხმებას უგზო-უკვლოდ დაკარგულ პირებზე და მოუწოდა გაზრდილიყო ორკომუნალური ღონისძიებები, რათა გაუმჯობესებულიყო ურთიერთთანამშრომლობა და ნდობა ორ თემს შორის.
გენერალურ მდივან კოფი ანანს დაევალა, რომ 1998 წლის 10 ივნისამდე საბჭოსთვის წარედგინა ანგარიში ამ რეზოლუციის შესრულების შესახებ.
სქოლიო
[რედაქტირება | წყაროს რედაქტირება]- ↑ „Security Council extends Cyprus mission until 30 June 1998“. United Nations. 23 December 1997.
- ↑ „UNFICYP mandate renewed“. Cyprus News Agency. 24 December 1997. დაარქივებულია ორიგინალიდან — 5 September 2020. ციტირების თარიღი: 9 May 2010.