გაბრიელ გ. მურო

გაბრიელ გევარა
გევარა 2024 წელს
დაბადების თარიღი	6 თებერვალი, 2001 (24 წლის) მადრიდი, ესპანეთი
განათლება	Instituto Lope de Vega
საქმიანობა	მსახიობი მოდელი
აქტიური	2010–2012; 2017–დღემდე
ცნობილი ნაშრომები	Skam España My Fault Charter HIT Your Fault Our Fault

გაბრიელ ალეხანდრო გევარა მურო (დ.6 თებერვალი, 2001) — ესპანელი მსახიობი. გაბრიელი ყველაზე მეტად ცნობილია ნიკ ლეისტერის როლით ფილმში „My Fault“, რომელიც Prime Video-ზე 2023 წელს ყველაზე ნახვადი არაინგლისურენოვანი ფილმი იყო. ის ასევე გამოჩნდა თინეიჯერულ სერიალის „Skam España“ პირველ ორ სეზონში და მთავარი როლი შეასრულა Disney+-ის სერიალში „From Tomorrow“.

ადრეული ცხოვრება

გაბრიელ ალეხანდრო გევარა მურო დაიბადა და გაიზარდა მადრიდში, ესპანეთში, დედასთან, მარლენ მუროსთან, ფრანგ ვედეტთან, მოდელთან, მსახიობთან და ტელეწამყვანთან, და მამასთან, კუბელ მოცეკვავე მიშელ გევარასთან. გევარა ორენოვანია, ამიტომ კარგად ფლობს როგორც ესპანურ და ფრანგულ,ასევე ინგლისურ ენას. მშობლების მსგავსად, მას ადრეული ასაკიდანვე იზიდავდა მხატვრული საქმიანობა, მონაწილეობდა სარეკლამო კამპანიებში და მცირე სამსახიობო როლებში, ასევე გადიოდა ფორმალურ საცეკვაო ტრენინგებს.

მან 2018 წელს დაამთავრა ლოპე დე ვეგას ინსტიტუტი საშემსრულებლო ხელოვნების ბაკალავრის ხარისხით.

კარიერა

ფილმები და ტელევაზია(2018-დღემდე)

2018 წლის ბოლოს, გევარამ ტელევიზიაში დებიუტი შეასრულა კრისტიან მირალეშ ჰაროს როლში, სერიალ „Skam España“ პირველ სეზონში, რომელიც ნორვეგიული თინეიჯერული დრამატული სერიალის „Skam“ ესპანური ადაპტაციაა, რომელიც მოზარდების ყოველდღიურ ცხოვრებასა და მათ სირთულეებზეა ფოკუსირებული. ის სერიალის თორმეტ ეპიზოდში გამოჩნდა პირველ და მეორე სეზონებს შორის.

შემდეგ ის გამოჩნდა ამანდა კერნელის 2018 წლის ფილმში „Charter“ მანუელის როლში და 2020 წლის „Señoras del (h)AMPA“ როლში კრისტოფერის როლში, იმავე წელს კი სამუს როლში გამოჩნდა ტელესერიალში „Riders“. მოგვიანებით, „Charter“ ოსკარის 93-ე დაჯილდოებაზე შვედეთის მიერ წარდგენილ საუკეთესო საერთაშორისო მხატვრული ფილმის ნომინაციაში შეირჩა, თუმცა შორტლისტში ვერ მოხვდა.

შემდეგი მნიშვნელოვანი როლი გევარამ 2020 წლის TVE სერიალში, HIT-ში შეასრულა, რომელიც საშუალო სკოლის დრამაა არატრადიციული პედაგოგის შესახებ, რომელსაც პრობლემური დაწესებულებების მოგვარება ევალება. ის მთავარი გმირის, დარიოს როლში ორი სეზონის განმავლობაში გამოჩნდა.

2022 წელს, გევარა სტუმრად გამოჩნდა, როგორც ქორეოგრაფი ნაჩო დუატოს როლში Paramount+-ის ორიგინალურ სერიალში „Bosé“ და გამოჩნდა Prime Video-ს ფილმში „Tomorrow is today“ ახალგაზრდა ჩარლის როლში. „Tomorrow is today“ იყო პირველი ორიგინალური ესპანური ფილმი, რომელიც ამ პლატფორმისთვის იქნა გადაღებული. გევარა ასევე კვლავ დაუკავშირდა „Skam España“-ს მთავარ სცენარისტს, ესტიბალის ბურგალეტას, Netflix-ის სერიალისთვის „You are not special as Asier“ და იმავე წელს გამოჩნდა HBO Max-ის სერიალში „How To Screw Everything Up“ ფრენის როლში.

დღემდე გევარას ყველაზე დიდი როლი 2023 წლის Prime Video-ს რომანტიკულ ფილმში „My Fault“ იყო, სადაც ნიკ ლეისტერი სახიფათო ქუჩის რბოლის სცენაში მონაწილეობს და მოგვიანებით უკანონო რომანს იწყებს თავის ნახევარდასთან, ნოასთან, რომლის როლსაც მისი თანავარსკვლავი „Skam España“-დან, ნიკოლ უოლესი ასრულებს. „My Fault“ დაფუძნებულია პოპულარულ რომანთა სერიაზე, რომელიც თავდაპირველად Wattpad-ზე გამოქვეყნდა, სახელწოდებით Culpables. სერიების ავტორია მერსედეს რონი. Amazon Prime Video-ის მონაცემებით, „My Fault“-მა გამოსვლის შემდეგ, 2023 წლის ივნისში, პლატფორმის ისტორიაში არაინგლისურენოვან ლოკალურ ორიგინალურ ფილმებს შორის ყველაზე მაღალი ნახვადობა დააფიქსირა პირველი სამი დღის განმავლობაში.

გარდა ამისა, გევარას მომავალი როლი აქვს ესპანურ სატელევიზიო სერიალში „Red Flags“ და მინისერიალში „Ni una más“, რომელიც მიგელ საეს კარალის ამავე სახელწოდების რომანის მიხედვით არის გადაღებული. „Ni una más“ Netflix-ზე გამოვა, სადაც ის კვლავ ნიკოლ უოლესთან ერთად ითამაშებს. მან ასევე მთავარი როლი შეასრულა Disney Plus-ის სერიალში „From Tomorrow“.

ასევე კვლავ შეასრულებს ნიკის როლს „ჩემი ბრალის“ ორ გაგრძელებაში, სახელწოდებით „Your Fault“ და „Our Fault“, რომლებიც დაფუძნებულია მერსედეს რონის ტრილოგიის „Culpables“ ბოლო ორ წიგნზე.

„Your Fault“ და „Our Fault“-ს ერთდროული წარმოება 2023 წლის 31 აგვისტოს დაიწყო.

სცენა (2010-დღემდე)

ტელევიზიისა და კინოს კარიერის გარდა, გევარა აქტიურად მონაწილეობდა ოპერისა და თეატრის დადგმებში, პირველად 2010 წელს გამოჩნდა სამეფო თეატრის ოპერაში „Tosca“. შემდეგ ის გამოჩნდა 2012 წელს საფრანგეთში დადგმულ თეატრალურ დადგმაში „Robin Hood“ და 2018 წელს „Krol Roger“ ოპერაში. გაბრიელმა ასევე იმუშავა მამასთან იტალიაში 2017 წელს დადებულ ოპერაზე „L'Elixir d'amore“.

სამართლებრივი პრობლემები

გევარა 2023 წლის 2 სექტემბერს იტალიის ქალაქ ვენეციაში დააკავეს საერთაშორისო ორდერის საფუძველზე, რომელიც საფრანგეთში მომხდარ სავარაუდო სექსუალურ ძალადობას ეხებოდა. მას Filming Italy-სგან „საუკეთესო ახალგაზრდა მსახიობის“ ჯილდო უნდა მიეღო, რომელიც მისი დაპატიმრების შემდეგ გაუქმდა. 2023 წლის 3 სექტემბერს გევარას მსახიობთა წარმომადგენლობამ, Brosson Talent Management-მა, საჯაროდ გაავრცელა განცხადება, რომელშიც ნათქვამი იყო: „ეს ძველი პროცესია საფრანგეთში, რომელიც იმ პერიოდს ეხება, როცა გაბრიელი არასრულწლოვანი იყო, ხოლო ესპანეთში საქმე უკვე მის სასარგებლოდ დასრულდა ყველა გამამართლებელი გადაწყვეტილებით. ვიმედოვნებთ, რომ ის მალე გათავისუფლდება, როგორც კი დადასტურდება დაკავების ის შეცდომა, რომელსაც, ჩვენი აზრით, არარეგულარული ხასიათი აქვს.“ გევარას ადვოკატმა, პედრო ფერნანდეს გონსალესმა, განაცხადა, რომ საქმე, რომელშიც ის ბრალდებული და შემდეგ გამართლებული იქნა, მაშინ მოხდა, როდესაც გევარა 13 წლის იყო და მომჩივანი მისი ბიძაშვილი იყო, „რომელიც მასზე გაბრაზდა“. საქმის განხილვა ორშაბათს, 4 სექტემბერს იყო დაგეგმილი და მოგვიანებით, იმავე დღეს გაათავისუფლეს, იმ პირობით, რომ საქმის გახსნამდე ვენეციის დატოვება არ შეეძლო. 2023 წლის 15 სექტემბერს ვენეციის სააპელაციო სასამართლომ გევარას დაპატიმრების ორდერი და ექსტრადიციის მოთხოვნა ბათილად ცნო და მას მადრიდში, სახლში დაბრუნების უფლება მისცა.

Prime Video-მ, „My Fault“ ფილმების ფრენჩაიზის მხარდამჭერმა სტრიმინგ სერვისმა, ასევე დაადასტურა, რომ ისინი ამ საკითხზე საკუთარ დამოუკიდებელ გამოძიებას ატარებენ.

მას შემდეგ გევარამ განაახლა მუშაობა და დაასრულა „Culpables“ სერიის ბოლო ორი ფილმის გადაღებები.

რესურსები ინტერნეტში

• გაბრიელ გ. მურო კინოფილმების ინტერნეტ-მონაცემთა ბაზაში
• გაბრიელ გ. მურო Instagram-ზე