ბრენტ ჰაფი

ბრენტ ჰაფი
ბრენტ ჰაფი ფილმ „Chasing Beauty“ ლოს-ანჯელესის პრემიერაზე.
დაბადების თარიღი	11 მარტი, 1961 (65 წლის) სპრინგფილდი, მისურის შტატი, ა.შ.შ
აქტიური	1976-დღემდე
პარტნიორ(ებ)ი	შონ ჰაფი

ბრენტ ჰაფი (დ. 11 მარტი, 1961, სპრინგფილდი, მისურის შტატი) — ამერიკელი მსახიობი, სცენარისტი და კინორეჟისორი. ჰაფი ყველაზე მეტად ცნობილია ქუიგლი სმიტის პერიოდული როლით ABC-ის დრამატულ სერიალებში „The rookie“ და „The rookie: Feds“

ჰაფი არის ავტორი და რეჟისორი მრავალი ჯილდოს მფლობელი მხატვრული და დოკუმენტური ფილმისა, მათ შორის: „The Jackie Stiles Story“ , „It's a Rockabilly World“, „Cat City“, „Chasing Beauty“ , „Welcome to Paradise”, „A Genie's Tail“ და „100 Mile Rule“.

კარიერა

ჰაფი სპრინგფილდში, მისურის შტატში გაიზარდა და კიკაპუს საშუალო სკოლაში სწავლობდა. ჰაფიც და ბრედ პიტიც კიკაპუს თეატრალური დიდების დარბაზის წევრები არიან.

ჰაფი მისურის უნივერსიტეტში თეატრალურ ფაკულტეტზე სწავლობდა.

1980-იან წლებში ჰაფი ერთ-ერთ წამყვან მამაკაც მოდელად ითვლებოდა. მას წარმოადგენდნენ სააგენტოები: Ford Models-ი ნიუ-იორკში და Fashion Models-ი მილანში. ჰაფი თანამშრომლობდა ისეთ დიზაინერებთან, როგორიცაა: ჯანი ვერსაჩე, ჯორჯო არმანი, ვალენტინო და კელვინ კლაინი.

1980-იანი წლების B-კატეგორიის მძაფრსიუჟეტიანი ფილმების „ოქროს ხანაში“, ჰაფი საკულტო ფავორიტი იყო. ის გადაღებებში მონაწილეობდა ისეთ ქვეყნებში, როგორიცაა: სამხრეთ აფრიკა, ფილიპინები, ტაილანდი, ავსტრია, საფრანგეთი, იტალია, არგენტინა, რუსეთი, სერბეთი და რუმინეთი.

ჰაფი სამსახიობო ოსტატობას სწავლობდა როგორც ნიუ-იორკში, ისე ლოს-ანჯელესში. მას გადაღებული აქვს არაერთი მხატვრული და დოკუმენტური ფილმი. 2018 წელს ჰაფი ძირითადად რეჟისორობაზე იყო ფოკუსირებული, როდესაც მან პერიოდული როლი მიიღო Showtime-ის პოპულარულ სერიალში „Shameless“.

რესურსები ინტერნეტში

• Brent Huff კინოფილმების ინტერნეტ-მონაცემთა ბაზაში
• ოფიციალური საიტი