ბრეიგელის მთვარე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ბრეიგელის მთვარე
ბრეიგელის მთვარე.jpg
რომანის პირველი ინგლისური გამოცემის ყდა
ავტორი თამაზ ჭილაძე
ქვეყანა საქართველო
ენა ქართული
ჟანრი ფსიქოლოგიური რომანი
მაგიური რეალიზმი
სამეცნიერო ფანტასტიკა
გამოცემის თარიღი 2007
გვერდი 156, 96 (ინგლისური)
ISBN 1628970936

ბრეიგელის მთვარეთამაზ ჭილაძის 2007 წლის რომანი. რომანი 2015 წელს მაია ყიასაშვილმა თარგმნა ინგლისურად და გამოსცა Dalkey Archive Press-მა. რომანი დაწერილია მაგიური რეალიზმის ჟანრში და ურევია ფსიქოლოგიური და სამეცნიერო ფანტასტიკური ელემენტები.

ამერიკის ერთ-ერთი ყველაზე პრესტიჟული ლიტერატურული ჟურნალი Word Literature Today ამ წიგნის გამოცემასთან დაკავშირებით წერს: „სტალინის შემდგომი ეპოქის იმ მწერალთა შორის, ვინც ქართულ ლიტერატურას ახალი, თანამედროვე მიმართულება მისცა, თამაზ ჭილაძეს გამორჩეული ადგილი უჭირავს...“ ხოლო გამომცემლობა Dalkey Archive Press თავის მხრივ ასე წარუდგენს მკითხველს ქართველ მწერალს: „თამაზ ჭილაძემ ლექსების პირველი კრებული 1956 წელს გამოსცა. მართალია, დღეს ის უფრო ცნობილია როგორც დრამატურგი, თუმცა მისი მოთხრობები და რომანები ქართული ლიტერატურის კლასიკად მიიჩნევა“...[1]

რომანში ავტორი ყურადღებას ამახვილებს მორალურ-ფსიქოლოგიურ პრობლემებზე და მის შედეგებზე. ნაწარმოების მთავარი პერსონაჟი შუახნის ფსიქოთერაპევტი ლევანია, რომელსაც ცოლი გაშორდა. მისი ცოლი ეუბნება, რომ მათი ურთიერთობა იგივე იყო რაც პაციენტის და ექიმის, ხოლო მათი სახლი საავადმყოფოს ჰგავდა. მიუხედავად, რომ ის დიდი ხანი ღალატობდა ქმარი ამას არ იმჩნევდა და მას არაფერს ეუბნებოდა. ამის შემდეგ ლევანი ჰეროინის მოხმარებას დაიწყებს და ნელ-ნელა ძალიან უცნაურ ამბებში გარევს თავს. ის მალე უცხოპლანეტელბის არსებობას დაიჯერებს, გაიცნობს იდუმალ ანა-მარიას და საბოლოოდ შეშლის ზღვარზე აღმოჩნდება.[2]

რესურსები ინტერნეტში[რედაქტირება | წყაროს რედაქტირება]

Wikiquote-logo-ka.png

სქოლიო[რედაქტირება | წყაროს რედაქტირება]

  1. დე, ახალი წელი ადამიანობის ნიშნით იყოს აღბეჭდილი! - ამერიკაში თამაზ ჭილაძის "ბრეიგელის მთვარე გამოსცეს. კვირის პალიტრა (31 დეკემბერი, 2014). ციტირების თარიღი: 26 ივლისი, 2018.
  2. The Brueghel Moon by Tamaz Chiladze. complete-review.com (26 დეკემბერი, 2014). ციტირების თარიღი: 26 ივლისი, 2018.