ბრაიტონ-ბიჩი
ბრაიტონ-ბიჩი (ინგლ. Brighton Beach — ბრაიტონის სანაპირო) — რაიონი ბრუკლინის სამხრეთში, ქალაქ ნიუ-იორკში. სახელი გაითქვა 1970-იან წლებში, როგორც ყოფილი საბჭოთა კავშირიდან (მეტწილად უკრაინა და რუსეთი) ემიგრირებულთა კომპაქტურად დასახლებულთა ადგილმა. უბნის მოსახლეობა 350 ათასს შეადგენს.
რაიონი ამჟამად ცნობილია ეთნიკური რესტორნებით, კაფეებითა და საკონცერტო (საბანკეტო) დარბაზებით. აქ მდებარეობს რუსულენოვანი საზოგადოების მრავალი კულტურული და საგანმანათლებლო ცენტრი — რადიოსადგურები, ტელესტუდიები, გაზეთის რედაქციები, სკოლები და სკოლამდელი დაწესებულებები, ასევე გასართობი ცენტრები. ამავე უბანში ცხოვრობს ნიუ-იორკის ქართველ ემიგრანტთა დიდი ნაწილიც.