ბრაზილია-საქართველოს ურთიერთობები

ბრაზილია-საქართველოს ურთიერთობები

ბრაზილია	საქართველო

ბრაზილია-საქართველოს ურთიერთობები — ბრაზილიასა და საქართველოს შორის განვითარებული საგარეო ურთიერთობები. ორ ქვეყანას შორის დიპლომატიური ურთიერთობა დამყარდა 1993 წლის 28 აპრილს. ბრაზილია ურთიერთობებს აწარმოებს საქართველოსთან მოსკოვში არსებული საელჩოს მეშვეობით.

2013 წელს საქართველო-ბრაზილიას შორის დიპლომატიური ურთიერთობების დამყარების 20 წლისთავის აღსანიშნავად, ბრაზილიის ფოსტისა და ტელეგრაფის უწყებამ გამოუშვა საფოსტო მარკა.

საქართველოს საგანგებო და სრულუფლებიანი ელჩები ბრაზილიაში

• ოთარ ბერძენიშვილი (აგვისტო, 2011 - 1 ოქტომბერი, 2016)
• დავით სოლომონია (2016 - დღემდე)

ბრაზილიის რესპუბლიკის ელჩები საქართველოში

რეზიდენციით მოსკოვში

• ტერეზა მარია მაჩადო (7 აგვისტო, 1997),
• ჟოზე ვიეგას ფილიო (2001 - 2003)
• კარლოს აუგუსტო სანტოს ნევესი (2004 - 2008)
• კარლოს ანტონიო დე როსა პარანიოსი (22 აპრილი, 2008 - 2010)

რეზიდენციით თბილისში

• კარლოს ალბერტო ლოპეს ასფორა (იანვარი, 2012-დღემდე)

განხორციელებული ვიზიტები და შეხვედრები

1. 2010 წლის 18 თებერვალს თბილისში გაიმართა პოლიტიკური კონსულტაციები ბრაზილიის ფედერაციული რესპუბლიკის საგარეო საქმეთა სამინისტროსა და საქართველოს სხვადასხვა უწყებების წარმომადგენლებს შორის.
2. 2010 წლის 26 აპრილს, ბრაზილიის ფედერაციული რესპუბლიკის დედაქალაქ ბრაზილიაში გაიმართა პოლიტიკური კონსულტაციები საქართველოსა და ბრაზილიის საგარეო უწყებებს შორის. შეხვედრისას განხილულ იქნა საქართველო-ბრაზილიას შორის პოლიტიკური, ეკონომიკური და კულტურული ურთიერთობების განვითარების პერსპექტივები და ასევე განისაზღვრა თანამშრომლობის კონკრეტული სფეროები და მიმართულებები.

სავაჭრო ბრუნვა

2005-2010 წლებში (ათ. აშშ $): წელი ექსპორტი იმპორტი 2005 – 77,021.9 2006 3.404.7 52,267.2 2007 9,299.8 82,118.6 2008 8,889.1 104,182.4 2009 1,0 75.963,0 2010 (1 კვარტალი) – 19.623,3

რესურსები ინტერნეტში

• საქართველოს საგარეო საქმეთა სამინისტრო ბრაზილიასთან ურთიერთობის შესახებ დაარქივებული 2019-06-12 საიტზე Wayback Machine.
• ბრაზილიის საგარეო საქმეთა სამინისტრო