ბოსნია და ჰერცეგოვინის მეცნიერებათა და ხელოვნებათა აკადემია

მასალა ვიკიპედიიდან — თავისუფალი ენციკლოპედია
Jump to navigation Jump to search
ბოსნია და ჰერცეგოვინის მეცნიერებათა და ხელოვნებათა აკადემია
Akademija nauka i umjetnosti Bosne i Hercegovine
Академија наука и умјетности Босне и Херцеговине
დაარსების თარიღი

1951

ტიპი

სამეცნიერო დაწესებულება

შტაბ-ბინა

სარაევო

ადგილმდებარეობა

ბოსნია და ჰერცეგოვინის დროშა ბოსნია და ჰერცეგოვინა

წევრები

44 ნამდვილი წევრი[1]
11 წევრ-კორესპოდენტი[2]

ოფიციალური ენები

ბოსნიური ენა

პრეზიდენტი

მილოშ ტრიფკოვიჩი

საიტი

http://www.anubih.ba/

ბოსნია და ჰერცეგოვინის მეცნიერებათა და ხელოვნებათა აკადემია (სერბ.-ხორვ. , ხორ. Akademija nauka i umjetnosti Bosne i Hercegovine; სერბ. Академија наука и умјетности Босне и Херцеговине) — ბოსნია და ჰერცეგოვინის ეროვნული აკადემია.

ისტორია[რედაქტირება | წყაროს რედაქტირება]

ბოსნია და ჰერცეგოვინის მეცნიერებათა და ხელოვნებათა აკადემია დაფუძნდა როგორც ბოსნია და ჰერცეგოვინის სამეცნიერო საზოგადოება 1951 წელს, სრ ბოსნია და ჰერცეგოვინის მხარდაჭერით. 1966 წელს რესპუბლიკის პარლამენტმა მიიღო კანონი, რომლითაც საზოგადოებას ოფიციალურად ეწოდა ბოსნია და ჰერცეგოვინის მეცნიერებათა და ხელოვნებათა აკადემია. ამ კანონის თანახმად აკადემია ვალდებული იყო ეზრუნა მეცნიერებისა და ხელოვნების განვითარებაზე, სამეცნიერო კვლევების უზრუნველყოფასა და სახელოვნებო ღონისძიებების ორგანიზებაზე, აკადემიის წევრთა სამეცნიერო ნაშრომების გამოცემაზე და სხვ. აკადემია არის მთლიანად დამოუკიდებელი ორგანო და ხელმძღვანელობს სამეცნიერო პრინციპებით. აკადემიის შინაგანაწესი არეგულირებს მის მოქმედებას ყველა იმ სფეროში, რომელსაც იგი კურირებს.

ორგანიზაცია[რედაქტირება | წყაროს რედაქტირება]

აკადემიაში არის ექვსი განყოფილება – სოციოლოგიის, მედიცინის, ტექნიკური მეცნიერებების, საბუნებისმეტყველო და ზუსტი მეცნიერებების, ჰუმანიტარული მეცნიერებებისა და ხელოვნების.[3] ასევე მოქმედებს ოთხი კომიტეტი – ბიბლიოთეკისა და დოკუმენტაციის, საერთაშორისო კოოპერაციის, საგამომცემლო და სამეცნიერო-ტექნოლოგიური განვითარების.[4]

პრეზიდენტები[რედაქტირება | წყაროს რედაქტირება]

1966 წლიდან მოყოლებული აკადემიას ხელმძღვანელობდნენ შემდეგი პირები:[5]

  • ვასო ბუტოზანი (1966–1968)
  • ბრანისლავ ჯურჯევი (1968–1971)
  • ედემ ჩამო (1971–1977)
  • ალოიზ ბანაცი (1977–1981)
  • სვეტოზარ ზიმონიჩი (1981–1990)
  • სეიდ ხუკოვიჩი (1990–1999)
  • ბოჟიდარ მატიჩი (1999–2014)
  • მილოშ ტრიფკოვიჩი (2014-დან)

სქოლიო[რედაქტირება | წყაროს რედაქტირება]