ბორის ნიკიტინი

ბორის ნიკიტინი
პირადი ინფორმაცია
სრული სახელი	ბორის ვასილის ძე ნიკიტინი
დაბ. თარიღი	5 მარტი, 1938
დაბ. ადგილი	თბილისი,; საქართველოს სსრ,; სსრ კავშირი
გარდ. თარიღი	20 ოქტომბერი, 1984 (46 წლის)
გარდ. ადგილი	თბილისი,; საქართველოს სსრ,; სსრ კავშირი
სიმაღლე	176 სმ
წონა	72 კგ
სპორტი
ქვეყანა	საბჭოთა კავშირი
სახეობა	ცურვა
მწვრთნელი	ვალენტინ სამარინი; ლუკა იოაკიმიდი

ბორის ნიკიტინი (რუს. Борис Васильевич Никитин; დ. 5 მარტი, 1938, თბილისი — გ. 20 ოქტომბერი, 1984, იქვე) — საბჭოთა მოცურავე. საბჭოთა კავშირის სპორტის ოსტატი.

ბიოგრაფია[რედაქტირება | წყაროს რედაქტირება]

დაიბადა 1938 წელს თბილისში. ცურვის ოსტატობას ეუფლებოდა ვალენტინ სამარინისა და საბჭოთა კავშირის დამსახურებული მწვრთნელის ლუკა იოაკიმიდის ხელმძღვანელობით.

ზაფხულის ოლიმპიადის ბრინჯაოს პრიზიორი (1956, მელბურნი; ესტაფეტა 4X200 მ),^[1] ევროპის ჩემპიონი (1958, ესტაფეტა 4X200 მ), ევროპის ვიცე-ჩემპიონი 1958 (400მ), საბჭოთა კავშირის ჩემპიონი: 1956 (400 მ), 1957 (400 მ; 1500 მ), 1958 (400 მ), 1959 (400 მ), 1960 (400 მ), საბჭოთა კავშირის ჩემპიონატის ბრინჯაოს პრიზიორი: 1958 (1500 მ), 1963 (კომპლექსური 400 მ; კომბინირებული ესტაფეტა 4X100 მ), ახალგაზრდობის მეგობრული თამაშების ჩემპიონი (1957, 1500 მ; ესტაფეტა 4X200 მ), ახალგაზრდობის მეგობრული თამაშების ვიცე-ჩემპიონი (1957, 400მ).

1956 წლის 1 სექტემბერს სპორტის განვითარების საქმეში აქტიური მონაწილეობისა და სსრ კავშირის 1956 წლის ხალხთა სპარტაკიადაზე მაღალი სპორტული მიღწევებისათვის დაჯილდოვდა საქართველოს სსრ უმაღლესი საბჭოს პრეზიდიუმის საპატიო სიგელით.^[2]

ძირითადი შედეგები[რედაქტირება | წყაროს რედაქტირება]


დისციპლინა	ადგილმდებარეობა	ტურნირი	ადგილი
საწყლოსნო სახეობები	ბუდაპეშტი, უნგრეთი	ევროპის ჩემპიონატი 1958	02
საწყლოსნო სახეობები	ბუდაპეშტი, უნგრეთი	ევროპის ჩემპიონატი 1958	01
საწყლოსნო სახეობები	მელბურნი, ავსტრალია	ზაფხულის XVI ოლიმპიური თამაშები 1956	03