ბორდერ-კოლი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
ბორდერ კოლი
წარმოშობის ქვეყანა დიდი ბრიტანეთი
თვისებები
წონა 14-22 კგ.
სიმაღლე 46-54 სმ.
სიცოცხლის
ხანგრძლივობა
12-14 წელი
ძაღლი (Canis lupus familiaris)

ბორდერ კოლი (ინგლ. Border Collie) — ძაღლის ჯიში, რომელიც გამოყვანილია დიდ ბრიტანეთში XVIII საუკუნეში.

მიუხედავად იმისა, რომ მეცხვარეები უძველესი დროიდან კოლის იყენებდნენ ინგლისსა და შოტლანდიის (Scottish Borders) სასაზღვრე მთიან რაიონებში სამუშაოდ, თავისი დასახელება ამ ჯიშმა მხოლოდ 1915 წელს მიიღო. დღესდღეობით ბორდერ კოლი ჯერ კიდევ ყველაზე პოპულარული მუშა მეცხვარე ძაღლია დიდ ბრიტანეთსა და ირლანდიაში. ის ლამაზია, თუმცა ძალიან ძნელია მისი ყოლა, განსაკუთრებით ქალაქის პირობებში. ბორდერ კოლის აქვს მკვეთრად გამოხატული მტაცებლის ინსტინქტი, მაგრამ წვრთნა მას შესანიშნავ მეცხვარედ აქცევს. მუდმივი აქტიურობის გარეშე ბორდერ კოლი შეიძლება დესტრუქციულად მოიქცეს - "მწყემსოს" სხვა ძაღლები, ან ადამიანები, იკბინებოდეს.

ბორდერ კოლი კარგად ეგუება სიცივეს და ბავშვებს. აქვს სქელი, მბზინავი ბალანი, რომლის შეფერილობა შეიძლება იყოს ჟღალი, მარმარილოსებრი (ბლუ-მერლი), სამფერიანი (შავი, ჟღალი, თეთრი), შავ-თეთრი, ყავისფერი, შავი. აქვს სწორი და ძლიერი წინა ფეხები, ძალიან დიდი თვალები, კისერს გრძელი ბალანი უფარავს, კუდი დაშვებულია.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: