ბიჭვინთის ყურე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ბიჭვინთის ყურე
Abkhazia. Pitsunda.jpg
კოორდინატები 43°09′45″ ჩ. გ. 40°22′54″ ა. გ. / 43.16250° ჩ. გ. 40.38167° ა. გ. / 43.16250; 40.38167
აუზი შავი ზღვა
ქვეყნები საქართველოს დროშა საქართველო
ტიპი ყურე
მაქსიმალური სიღრმე 50
ჩამდინარე მდინარეები რიაფში
ბიჭვინთის ყურე — საქართველო
ბიჭვინთის ყურე

ბიჭვინთის ყურე — ყურე საქართველოში, აფხაზეთის ავტონომიურ რესპუბლიკაში. მდებარეობს შავი ზღვის სანაპიროზე, მდინარე ბზიფის შესართავთან.[1] სოხუმისა და ბათუმის ყურეებთან ერთად წარმოადგენს აღმოსავლეთ შავიზღვისპირეთის უდიდეს ყურეს. მოქცეულია კავკასიური რივიერის ფარგლებში.[2]

ბიჭვინთის ყურის დასავლეთ ნაწილში ზღვის სიღრმე 50 მ აღწევს, ხოლო ჩრდილო-აღმოსავლეთით 20 მ. ყურეს დასავლეთიდან და ჩრდილო-დასავლეთიდან ეკვრის ბიჭვინთის კონცხი ფართო პლაჟით, ჩრდილოეთიდან და ჩრდილო-აღმოსავლეთიდან — მიუსერის მაღლობი, რომელიც ზღვაში ციცაბოდ ეშვება.[3]

ერთვის რამდენიმე მდინარე, რომელთაგან მნიშვნელოვანია რიაფში. ფსკერი ლამიანია, აღმოსავლეთ ნაწილში გვხვდება წყალქვეშა ქვები. დასავლეთიდან აკრავს ბიჭვინთის ნაკრძალი, ხოლო აღმოსავლეთიდან მიუსერის ნაკრძალი. სანაპიროზე გაშენებულია დაბა ბიჭვინთა. XX საუკუნის დასაწყისში დელფინების რეწვის მნიშვნელოვანი ადგილი იყო.[4]

სქოლიო[რედაქტირება | წყაროს რედაქტირება]

  1. საქართველოს გეოგრაფიული სახელების ორთოგრაფიული ლექსიკონი, გვ. 36, თბ., 2009.
  2. Берадзе Т. Н. Мореплавание и морская торговля в средневековой Грузии. — Тб, 1989.
  3. ენციკლოპედია „საქართველო“, ტ. 1, თბ., 1997. — გვ. 448.
  4. Записки Кавказского отдела Императорского Русского Географического общества. Т. 29, — Тифлис, 1911