ბინალი ილდირიმი
| ბინალი ილდირიმი თურქ. Binali Yıldırım | |
.jpg) | |
.svg){kind=small} თურქეთის პარლამენტის 28-ე თავმჯდომარე | |
|---|---|
| თანამდებობაზე ყოფნის დრო | |
| 12 ივლისი, 2018 – 19 თებერვალი, 2019 | |
| ვიცე-პრეზიდენტი | ფიატ ოქტაი |
| პრეზიდენტი | რეჯეფ თაიფ ერდოღანი |
| წინამორბედი | ისმაილ ქაჰრამანი |
| მემკვიდრე | მუსტაფა შენთოფი |
| თანამდებობაზე ყოფნის დრო | |
| 24 მაისი, 2016 – 9 ივლისი, 2018 | |
| პრეზიდენტი | რეჯეფ თაიფ ერდოღანი |
| წინამორბედი | აჰმეთ დავუთოღლუ |
| მემკვიდრე | თანამდებობა გაუქმდა |
თურქეთის ტრანსპორტის, ზღვაოსნობის და კომუნიკაციების მინისტრი | |
| თანამდებობაზე ყოფნის დრო | |
| 18 ნოემბერი, 2002 – 22 მაისი, 2016 | |
| პრეზიდენტი | აბდულა გიული რეჯეფ თაიფ ერდოღანი |
| პრემიერ-მინისტრი | რეჯეფ თაიფ ერდოღანი აჰმეთ დავუთოღლუ |
| წინამორბედი | ნაჯი ქინაჯიოღლუ |
| მემკვიდრე | აჰმეთ არსლანი |
| დაბადებული | 20 დეკემბერი, 1955 რეფაიე, ერზინჯანი  თურქეთი |
| საარჩევნი ოლქი | 2015-იზმირი |
| პოლიტიკური პარტია | სგპ |
| მეუღლე | სემიჰა ილდირიმი |
| შვილები | აჰმეთ ილდირიმი ბუშრა ილდირიმი ერქან ილდირიმი |
| განათლება | სტამბოლის ტექნიკური უნივერსიტეტი მსოფლიო საზღვაო უნივერსიტეტი |
| პროფესია | პოლიტიკოსი |
| რელიგია | სუნიტური ისლამი |
| ხელმოწერა |  |
| საიტი | http://www.binaliyildirim.com.tr/ |
ბინალი ილდირიმი (თურქ. Binali Yıldırım; დ. 20 დეკემბერი 1955, რეფაიე, ერზინჯანის პროვინცია, თურქეთი) — თურქი პოლიტიკოსი, 2016-2018 წლებში თურქეთის პრემიერ-მინისტრი. 2018 წლის 12 ივლისიდან 2019 წლის 19 თებერვლამდე თურქეთის პარლამენტის 28-ე თავმჯდომარე. 2015 წლის 24 ნოემბერიდან 2016 წლის 22 მაისამდე იყო ტრანსპორტის, ზღვაოსნობის და კომუნიკაციების მინისტრი. მანამდე იკავებდა იგივე პოზიციას 2002-დან 2007 წლამდე, 2007-დან 2011 წლამდე და 2011 წლიდან 2013 წლამდე. მმართველი პარტიის სგპ-ს (AKP) წევრი, იგი იყო პარლამენტის წევრი სტამბოლის პირველი საარჩევნო ოლქიდან 2002-დან 2007 წლამდე, ერზინჯანიდან 2007 წლიდან 2011 წლამდე, იზმირის მეორე საარჩევნო ოლქიდან 2011 წლიდან 2015 წლის ივნისამდე და იზმირის პირველი საარჩევნო ოლქიდან 2015 წლის ნოემბრიდან.
2016 წლის 22 მაისს სგპ-ს თავმჯდომარედ აირჩიეს, რომელიც ტრადიციულად შემდეგში ქვეყნის პრემიერ-მინისტრი ხდება.[1] ამავე დღეს, თურქეთის პრეზიდენტმა რეჯეფ თაიფ ერდოღანმა დაავალა მას ახალი სამთავრობო კაბინეტის ჩამოყალიბება, ხოლო 2016 წლის 24 მაისს თურქეთის პრეზიდენტმა მინისტრთა ახალი კაბინეტი დაამტკიცა.
ბიოგრაფია[რედაქტირება | წყაროს რედაქტირება]
დაიბადა 1955 წელს ერზინჯანის პროვინციის რეფაიეს ოლქში. დაამთავრა სტამბოლის ტექნიკური უნივერსიტეტის გემთმშენებლობის და საზღვაო მეცნიერებათა ფაკულტეტი და ამავე ფაკულტეტის მაგისტრის წოდება მიიღო. მუშაობდა სხვადასხვა მენეჯერულ პოზიციებზე 1978-1993 წლებს შორის თურქეთის სანაოსნო მრეწველობის გენერალური დირექტორატში. 1990-1991 წლებში, სწავლობდა ზღვაში სიცოცხლის და ქონების უსაფრთხოების სპეციალობაზე, შვედეთის მსოფლიო საზღვაო უნივერსიტეტში, რომელიც ეკუთვნის საერთაშორისო საზღვაო ორგანიზაციას. ამ პერიოდში, 6 თვის განმავლობაში, სკანდინავიის და რამდენიმე ევროპის ქვეყნებში, საზღვაო მართვის სპეციალისტებთან ერთად, პორტებში საკონტროლო სამუშაო ჩაატარა.
1994-2000 წლებში იკავებდა სტამბოლის მეტროპოლიის მუნიციპალიტეტის ზღვის ავტობუსების დეპარტამენტის (IDO) გენერალური მენეჯერის პოსტს. ამ პოსტზე იგი დიდი წვლილი შეიტანა სტამბოლის საზღვაო ტრანსპორტის განვითარებაში. მისი მართვის პერიოდში გაიხსნა სტამბოლი-იალოვას და სტამბოლი-ბანდირმას ახალი საზღვაო ხაზი, ადნან მენდერესის და თურგუთ ოზალის სახელობის სწრაფი საბორნეს ხაზზე გაშვება და აგრეთვე 29 ახალი ტერმინალით, 22 საზღვაო ავტობუსით და 4 ბორნით, სტამბოლის ზღვის ავტობუსების დეპარტამენტი (IDO) გახდა მსოფლიოს უდიდესი საზღვაო გადამზიდავი კომპანია. 1999 წელს, თავისი წვლილით მას "Skal Kulübü"-ის ხარისხის პრემია მიენიჭა, საერთაშორისო საზღვაო საზოგადოებრივი ტრანსპორტის და ტურიზმის განვითარებისთვის.
ბინალი ილდირიმი დაქორწინებულია პედაგოგ სემიჰა ილდირიმზე და ჰყავთ სამი შვილი. კარგად იცის ინგლისური და ფრანგული ენა.
პოლიტიკური კარიერა[რედაქტირება | წყაროს რედაქტირება]
58-ე, 59-ე და 60-ე თურქეთის მთავრობის შემადგენლობაში, ტრანსპორტის მინისტრის პოზიციას იკავებდა, ასევე თურქეთის პარლამენტის წევრი სგპ-დან სტამბოლიდან 22 პერიოდის, ერზინჯანის პროვინციიდან 23 პერიოდის და იზმირიდან24 და 26 პერიოდის. 2014 წლის ადგილობრივი თვითმმართველობის არჩევნების დროს, იზმირის მუნიციპალიტეტის გამგებლის პოზიციისთვის იბრძოლა, სადაც 36%-ით მეორე ადგილზე გავიდა.[2] 2014 წლის 5 ივნისს, დაინიშნა თურქეთის პრეზიდენტის რეჯეფ თაიფ ერდოღანის მრჩევლად.[3] 2015 წლის 24 ნოემბერს, თურქეთის პრემიერ-მინისტრის აჰმეთ დავუთოღლუს გადაწყვეტილებით, დაინიშნა თურქეთის 64-ე მთავრობის ტრანსპორტის, ზღვაოსნობის და კომუნიკაციების მინისტრად.[4]
საპატიო დოქტორი[რედაქტირება | წყაროს რედაქტირება]
- 2006 წლის 20 ივლისს მიიღო კირენიის ამერიკული უნივერსიტეტის საპატიო დოქტორის წოდება.
- 2009 წლის 19 ივნისს მიიღო სამსუნის 19 მაისის უნივერსიტეტის საპატიო დოქტორის წოდება.[5]
- 2010 წლის 7 მაისს მიიღო რესპუბლიკის უნივერსიტეტის საპატიო დოქტორის წოდება.[6]
- 2010 წლის 29 სექტემბერს მიიღო იოზგათის ბოზოქის უნივერსიტეტის საპატიო დოქტორის წოდება.[7]
- 2011 წლის 28 თებერვალს მიიღო ანადოლუს უნივერსიტეტის საპატიო დოქტორის წოდება.[8]
- 2011 წლის 12 სექტემბერს მიიღო ერზინჯანის უნივერსიტეტის საპატიო დოქტორის წოდება.[9]
- 2011 წლის 20 სექტემბერს მიიღო ქირქლარელის უნივერსიტეტის საპატიო დოქტორის წოდება.[10]
- 2011 წლის 23 დეკემბერს მიიღო ბერლინის ტექნიკური უნივერსიტეტის საპატიო დოქტორის წოდება.[11]
- 2012 წლის 6 ივნისს მიიღო ფამუქალეს უნივერსიტეტის საპატიო დოქტორის წოდება.[12]
- 2012 წლის 2 დეკემბერს მიიღო მსოფლიო საზღვაო უნივერსიტეტის საპატიო დოქტორის წოდება.[13]
- 2013 წლის 22 მარტს მიიღო ოქანის უნივერსიტეტის საპატიო დოქტორის წოდება.[14]
რესურსები ინტერნეტში[რედაქტირება | წყაროს რედაქტირება]
| ბინალი ილდირიმი ვიკიციტატებში | |
| ბინალი ილდირიმი ვიკისაწყობში |
- ბინალი ილდირიმის ბიოგრაფია დაარქივებული 2016-06-02 საიტზე Wayback Machine. (TBMM)
სქოლიო[რედაქტირება | წყაროს რედაქტირება]
- ↑ Binali Yıldırım genel başkan adayı olarak seçilmiştir დაარქივებული 2016-05-22 საიტზე Wayback Machine. , Erişim tarihi: 22 Mayıs 2016
- ↑ |başlık=AKP'nin İzmir adayı Binali Yıldırım'dan ilk açıklama |çalışma=Cumhuriyet |tarih=31 Mart 2014 |erişimtarihi=6 Ocak 2016
- ↑ http://www.radikal.com.tr/politika/binali_yildirima_yeni_gorev-1195675
- ↑ AK Parti İzmir Milletvekili Binali Yıldırım, yeniden Ulaştırma, Denizcilik ve Haberleşme Bakanı oldu. (24 Kasım 2015), A Haber
- ↑ Yıldırım'a fahri doktora ünvanı verildi, Gökyüzü Haberci, 19 Haziran 2009.
- ↑ Binali Yıldırım'a fahri doktora ünvanı verildi დაარქივებული 2016-12-21 საიტზე Wayback Machine. , UTİKAD, 7 Mayıs 2010.
- ↑ Yozgat Bozok Üniversitesi'nden Binali Yıldırım'a fahri doktora ünvanı verildi, Haberler, 29 Eylül 2010.
- ↑ Bakan Yıldırım'a fahri doktora დაარქივებული 2016-12-21 საიტზე Wayback Machine. , UTİKAD, 28 Şubat 2011.
- ↑ Erzincan Üniversitesi Bakan Yıldırım'a fahri doktora, Haberler, 12 Eylül 2011.
- ↑ Kırklareli'nde Yıldırım'a fahri doktora, Trakya Gündemi, 20 Eylül 2011.
- ↑ Berlin Teknik Üniversitesi'nden Bakan Yıldırıma fahri doktora დაარქივებული 2012-11-08 საიტზე Wayback Machine. , Deniz Haber, 23 Aralık 2011.
- ↑ Bakan Binali Yıldırım'a fahri doktora verildi[მკვდარი ბმული], PAÜ Haber, 6 Haziran 2012.
- ↑ Dünya Denizcilik Üniversitesi'nden Bakan Yıldırım'a fahri doktora verildi დაარქივებული 2023-10-09 საიტზე Wayback Machine. , Star Gazete, 2 Aralık 2012.
- ↑ Okan Üniversitesi'nden Bakan Binali Yıldırım'a fahri doktora verildi, Haberler, 22 Mart 2013.
| |||||||||||||||||||
