The Beatles Anthology

The Beatles Anthology (ქართ. The Beatles-ის ანთოლოგია) — ჯგუფ The Beatles-ს ისტორიის ამსახველი დოკუმენტური ფილმების, სამი ალბომისა და წიგნის პროექტი, რომელიც სხვადასხვა წლებში განხორციელდა. მასზე მუშაობდნენ ჯგუფის დარჩენილი წევრები, პოლ მაკ-კარტნი, ჯორჯ ჰარისონი და რინგო სტარი.

პროექტი დაიწყო დოკუმენტური ფილმების სერიით. პირველი ფილმი ნაჩვენები იქნა 1995 წლის ნოემბერში. შემდგომი ნაწილები გამოვიდა 1996 (VHS) და 2003 (DVD) წლებში. დოკუმენტურ ფილმებში წარმოდგენილია ინტერვიუ ჯგუფის სამ წევრთან და უნიკალური საარქივო მასალები და საკონცერტო გამოსვლები. პირველი ალბომი, საარქივო სტუდიური მასალითა და იშვიათი ჩანაწერებით, გამოვიდა 1995 წლის ნოემბერში, პირველი ფილმის პარალელურად. შემდგომი ნაწილები გამოვიდა 1996 წელს. წიგნი, რომელიც 2000 წელს გამოვიდა, ისევე როგორც დოკუმენტური ფილმი, წარმოადგენს ინტერვიუებს ჯგუფთან.