ბიატლონი

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ბიათლონი)
ბიატლონისტები მიზანში სროლისას

ბიატლონი, ბიათლონი (ლათ. bi- < bis „ორჯერ“ და ბერძნ. athlon „შეჯიბრება“) — სპორტის ზამთრის სახეობა. ბიატლონი ორი სპორტის ნაზავია. იგი შედგება თხილამურებით რბოლისა და შაშხანის სროლისაგან. მიზანი მდებარეობს 50 მ-ში. წოლითი რეჟიმის დროს მიზნის დიამეტრი 45 მმ-ია, ხოლო დგომისას 115 მმ-ია.

დისციპლინები[რედაქტირება | წყაროს რედაქტირება]

ინდივიდუალური რბოლა[რედაქტირება | წყაროს რედაქტირება]

ბიატლონი შედგება რამდენიმე დისციპლინისგან, რომელთაგანაც ყველაზე ძველი ინდივიდუალური რბოლაა. კაცები გადიან 20 კმ-ს, 5 წრე 4 კმ. ხოლო ქალები 15 კმ-ს, 5 წრე 3 კმ. პირველ და მესამე წრეზე სპორტსმენები ისვრიან წოლით რეჟიმში, ხოლო მეორე და მეოთხე წრეზე დგომით რეჟიმში. სპორტსმენები 4-ჯერ მიდიან მიზანთან და 5-5-ჯერ ისვრიან. ყოველი აცდენა ჯარიმდება 1 წთ-ის დამატებით სპორტსმენის მიერ ნაჩვენებ დროზე.

სპრინტი[რედაქტირება | წყაროს რედაქტირება]

სპრინტში კაცები გადიან 10 კმ-ს, ხოლო ქალები 7,5 კმ-ს. დისტანციის მანძილზე სპორტსმენები ისვრიან 2-ჯერ, წოლით და დგომით რეჟიმებში. სპორტსმენები სამიზნესთან მიდიან 2-ჯერ და 5-5-ჯერ ისვრიან. ყოველი აცდენისთვის სპორტსმენი გადის დამატებით 150 მ-ს.

დადევნების რბოლა[რედაქტირება | წყაროს რედაქტირება]

დადევნების რბოლაში კაცები გადიან 12,5 კმ-ს, ხოლო ქალები 10 კმ-ს. რბოლაში მონაწილეობს ის 60 სპორტსმენი, რომლებმაც სპრინტში დაიკავა 60 საუკეთესო ადგილი. არაზუსტი სროლისთვის ჯარიმა დამატებით 150 მ-ის გავლა.

მას-სტარტი[რედაქტირება | წყაროს რედაქტირება]

მას-სტარტი ბიატლონის ახალი სახეობაა. მასში მონაწილეობს ჩემპიონატის 30 საუკეთესო სპორტსმენი.

გუნდური ესტაფეტა[რედაქტირება | წყაროს რედაქტირება]

ყოველი გუნდიდან ესტაფეტაში მონაწილეობს 4-4 სპორტსმენი. იგი სპრინტის წესებს ეფუძნება. თითოეული კაცი სპორტსმენი გადის 10 კმ და ისვრის ორჯერ, წოლით და დგომით რეჟიმებში, ხოლო ქალები დაგიან 7,5-7,5 კმ ასევე შესაბამისად 2-2 სროლით იგივე მდგომარეობაში.სპრინტისგან ისაა განსხვავება რომ სპორტსმენებს აქვთ 3 დამატებითი ტყვია. თუ სპორტსმენი 8 სროლითაც ვერ დახურავს 5 ნიშნულს მაშინ იგი გადის 150 მეტრის საჯარიმო წრეს, ყოველი აცდენისთვის

მიქსი (შერეული ესტაფეტა)[რედაქტირება | წყაროს რედაქტირება]

ყოველი გუნდიდან მონაწილეობს ორი ქალი და ორი მამაკაცი სპორტსმენი. სტარტს იღებენ ქალები და ასრულებენ მამაკაცები. სხვა მხრივ ყველა წესი ისევეა როგორც გუნდურ ესტაფეტაში.

ინდივიდუალური სპრინტი დადევნება ჯგუფური სტარტი გუნდური ესტაფეტა შერეული ესტაფეტა
დისტანცია კაცები 20 კმ 10 კმ 12,5 კმ 15 კმ 4 x 7,5 კმ 2 x 7,5 კმ +
2 x 6 კმ
დისტანცია ქალები 15 კმ 7,5 კმ 10 კმ 12,5 კმ 4 x 6 კმ
დისტანცია ახალგაზრდები 15 კმ 10 კმ 12,5 კმ 12,5 კმ 4 x 7,5 კმ -
დისტანცია გოგონები 12,5 კმ 7,5 კმ 10 კმ 10 კმ 3 x 6 კმ -
დისტანცია ყმაწვილები 12,5 კმ 7,5 კმ 10 კმ 10 კმ 3 x 7,5 კმ -
დისტანცია ყმაწვილი გოგონები 10 კმ 6 კმ 7,5 კმ 7,5 კმ 3 x 6 კმ -
სტარტის ინტერვალი 30 წამი 30 წამი მორბენალის შედეგის მიხედვით ერთდროული სტარტი ერთდროული სტარტი ერთდროული სტარტი
სროლის მიმდევრობა მწოლარე, მდგომი, მწოლარე, მდგომი მწოლარე, მდგომი მწოლარე, მწოლარე, მდგომი, მდგომი მწოლარე, მწოლარე, მდგომი, მდგომი თითო ათლეტზე მწოლარე-მდგომი თითო ათლეტზე მწოლარე-მდგომი
ჯარიმა შეცდომაზე საჯარიმო წუთი საჯარიმო წრე (150 მ) საჯარიმო წრე (150 მ) საჯარიმო წრე (150 მ) გადატენვა ან საჯარიმო წრე გადატენვა ან საჯარიმო წრე
მსოფლიო თასის პრემიერა 1978/79 1978/79 1996/97 1998/99 1978/79 2004/05
მსოფლიო ჩემპიონატის პრემიერა მჩ 1958 მჩ 1974 მჩ 1997 მჩ 1999 მჩ 1966 მჩ 2005 ან მჩ 2007
ოლიმპიური პრემიერა 1960 1980 2002 2006 1968 -