ბესარიონ ყავრიშვილი

მასალა ვიკიპედიიდან — თავისუფალი ენციკლოპედია
Jump to navigation Jump to search
ბესარიონ ყავრიშვილი
დაბ. თარიღი 2 (14) მარტი 1895
დაბ. ადგილი მანგლისი, ტფილისის გუბერნია, რუსეთის იმპერია
გარდ. თარიღი 8 იანვარი 1943(1943-01-08) (47 წლის)
გარდ. ადგილი თბილისი, საქართველოს სსრ, სსრკ
მოქალაქეობა რუსეთის იმპერია
Flag of Georgia (1918–1921).svg საქართველოს დემოკრატიული რესპუბლიკა
Flag of the Soviet Union (1924–1955).svg სსრკ
სამეცნიერო სფერო გეოგრაფია
მუშაობის ადგილი თბილისის სახელმწიფო უნივერსიტეტი
ალმა-მატერი მოსკოვის სახელმწიფო უნივერსიტეტი

ბესარიონ ივანეს ძე ყავრიშვილი (დ. 14 მარტი [ძვ. სტ. 2 მარტი], 1895, სოფელი მანგლისი, თბილისის მაზრა, — გ. 8 იანვარი 1943, თბილისი) — ქართველი გეოგრაფი. პროფესორი (1935), გეოგრაფიულ მეცნიერებათა დოქტორი (1940).

ბიოგრაფია[რედაქტირება | წყაროს რედაქტირება]

1917 წელს დაამთავრა მოსკოვის უნივერსიტეტის ფიზიკა-მათემატიკის ფაკულტეტის საბუნებისმეტყველო განყოფილება. 1918 წლიდან მუშაობა დაიწყო თბილისის პოლიტექნიკური ინსტიტუტის გეოგრაფიულ კათედრაზე ასისტენტად, 1920 წლიდან თბილისის სახელმწიფო უნივერსიტეტის ზოგადი გეოგრაფიის და ანთროპოლოგიის კათედრის ასისტენტი იყო, 1936 წლიდან კი — ჰიდროლოგიისა და კლიმატოლოგიის კათედრის გამგე.

კითხულობდა ჰიდროლოგიის, ჰიდრომეტრიის, სსრკ-ისა და კაპიტალისტური ქვეყნების ფიზიკური გეოგრაფიის ლექციების კურსს. პედაგოგიურ მუშაობას ეწეოდა აგრეთვე ქუთაისისა და სოხუმის პედაგოგიურ ინსტიტუტებში. ბესარიონ ყავრიშვილი არის ჰიდროლოგიის ფუძემდებელი საქართველოში და საქართველოს გეოგრაფიული საზოგადოების ერთ-ერთი დამაარსებელი.

თხზულებები[რედაქტირება | წყაროს რედაქტირება]

  • მდინარეთა ჰიდროლოგიის კურსი, ტფილისი, 1932;
  • საქართველოს ჰიდროლოგიური ისტორიის შესწავლისათვის, <საქ. სსრ გეოგრაფიული საზოგადოების შრომები> 1958;
  • Физико-географическое описание бассейна реки Кция-Храм, 1931;
  • Ландшафтно-гидрологические зоны Грузинской ССР, 1955.

ლიტერატურა[რედაქტირება | წყაროს რედაქტირება]

  • ლილუაშვილი, მ., „საქართველოს დემოკრატიული რესპუბლიკა (1918-1921), ენციკლოპედია-ლექსიკონი“, უნივერსიტეტის გამომცემლობა, გვ. 468, თბ., 2018 წელი.
  • ქართული საბჭოთა ენციკლოპედია, ტ. 10, გვ. 607, თბ. 1986 წელი.
  • გაიპარაშვილი, ზ., ლილუაშვილი, მ. „ტფილისის სახელმწიფო უნივერსიტეტის პროფესორთა საბჭოს სხდომები 1917-1926“, თბილისი, 2006

რესურსები ინტერნეტში[რედაქტირება | წყაროს რედაქტირება]