ბერნინის ალპები

მასალა ვიკიპედიიდან — თავისუფალი ენციკლოპედია
Jump to navigation Jump to search
ბერნინის ალპები
ბერნინა (4049 მ)
ბერნინა (4049 მ)
კოორდინატები: 46°22′ ჩ. გ. 9°54′ ა. გ. / 46.3800° ჩ. გ. 9.9100° ა. გ. / 46.3800; 9.9100
ქვეყანა შვეიცარიის დროშა შვეიცარია
იტალიის დროშა იტალია
უმაღლესი წერტილი ბერნინა
სიმაღლე 4049 
ბერნინის ალპები — შვეიცარია
ბერნინის ალპები

ბერნინის ალპები (იტალ. Massiccio del Bernina) — მთების ჯგუფი ალპებში, აღმოსავლეთ შვეიცარიასა და ჩრდილოეთ იტალიაში. რეტის ალპების ნაწილი. ალპების ერთ-ერთი უმაღლესი მონაკვეთი და მრავალრიცხოვანი მყინარებით დაფარული ქედია. აგებულია გნაისებითა და ფიქლებით. უმაღლესი მწვერვალია ბერნინა (ზღვის დონიდან 4049 მ), რომელიც პირველად დაიპყრეს 1850 წელს. მთების უმეტესობა განლაგებულია შვეიცარია-იტალიის საზღვარზე.

ბერნინის ალპებში არის დაახლოებით 150-მდე მყინვარი, რომელთა საერთო ფართობია 104 კმ². უდიდესი მყინვარია მორტერაჩი, რომლის სიგრძეა 7 კილომეტრი, ხოლო ფართობი დაახლოებით 16,4 კმ².[1] ბერნინის ალპები ჩრდილო-დასავლეთით გამოეყოფა ალბულის ალპებს, აღმოსავლეთით ლივინიოს ქედს, სამხრეთით ბერგამოს ალპებს, სამხრეთ-დასავლეთით ბრეგალიის ქედს. განვითარებულია ალპინიზმი და ზამთრის სპორტის სახეობები. მწვერვალი ბერნინა აღმართულია შვეიცარიის კურორტის — სანქტ-მორიცის სიახლოვეს. ქედის გარკვეული ნაწილი უკავია შვეიცარიის ეროვნულ პარკს, რომელიც შესულია იუნესკოს მსოფლიო მემკვიდრეობის სიაში.

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Vadret da Morteratsch, Pontresina (GR). Gletschermessnetz. წაკითხვის თარიღი: 2010-03-23.