ალექსანდრე ბეგალიშვილი

არ უნდა აგვერიოს შემდეგ მნიშვნელობა(ებ)ში: ჭიჭიკო ბეგალიშვილი.

ალექსანდრე გრიგოლის ძე ბეგალიშვილი (დ. 15 იანვარი, 1923, თბილისი ― გ. 26 ნოემბერი, 1989, იქვე) ― ქართველი მუსიკოს-შემსრულებელი (ალტი), საქართველოს სსრ-ის დამსახურებული არტისტი (1952), სსრკ-ის სახელმწიფო პრემიის ლაურეატი (1952), თბილისის სახელმწიფო კონსერვატორიის დოცენტი (1968).

ბიოგრაფია[რედაქტირება | წყაროს რედაქტირება]

1944 წელს დაამთავრა თბილისის კონსერვატორია სავიოლინო კლასი (ხელმძღვანელი პროფესორ ლ. იაშვილი). 1944–1967 წლებში უკრავდა საქართველოს სახელმწიფო სიმებიან კვარტეტში, რომლის სხვა წევრებთან ერთად სიმებიანი კვარტეტების საერთაშორისო კონკურსზე პრაღაში ლაურეატის წოდება მიენიჭა (1952).

ბეგალიშვილი იყო საქართველოს ფილარმონიისა და რადიოს სოლისტი. ქართველ კომოზიტორების, აგრეთვე კლასიკოსთა ნაწარმოებების ინტერპრეტატორი; ქართველი კომპოზიტორების მიერ ალტისათვის დაწერილი მრავალი ნაწარმოების პირველი შემსრულებელი.