ბამირ ტოპი

	ბამირ ტოპი
	;
ალბანეთის პრეზიდენტი
თანამდებობაზე ყოფნის დრო
	24 ივლისი, 2007 – 24 ივლისი, 2012
წინამორბედი	ალფრედ მოისიუ
მემკვიდრე	ბუიარ ნიშანი
დაბადებული	24 აპრილი, 1957; ტირანა, ალბანეთი
პოლიტიკური პარტია	დემოკრატიული პარტია

ბამირ მირტეზა ტოპი (ალბ. Bamir Myrteza Topi; დ. 24 აპრილი, 1957, ტირანა) — ალბანელი პოლიტიკოსი. ალბანეთის პრეზიდენტი 2007-2012 წლებში.

პროფესიით ბიოლოგ-ვეტერინარი. დემოკრატიული პარტიის წევრი და მისი ვიცე-თავმჯდომარე. პარლამენტის წევრია 1996 წლიდან. სოფლის მეურნეობის მინისტრი 1996-1997 წლებში. ქვეყნის მეთაურად აირჩიეს მეოთხე ცდაზე პოლიტიკური კრიზისის დროს. პრეზიდენტად არჩევის შემდეგ დატოვა პარტიის რიგები, რათა ყოფილიყო პოლიტიკურად მიუკერძოებელი.

იგი კოსოვოს დამოუკიდებლობის აქტიური მომხრე იყო. 2009 წელს 3-დღიანი ვიზიტით ეწვია კოსოვოს. აირჩიეს პრიშტინის საპატიო მოქალაქედ და დააჯილდოეს ოქროს მედლით. ვიზიტის დროს ასევე მიანიჭეს პრიშტინის უნივერსიტეტის საპატიო დოქტორის ხარისხი.

რესურსები ინტერნეტში

ოფიციალური ვებსაიტი დაარქივებული 2007-07-15 საიტზე Wayback Machine. (ინგლისური)