ბაგრატ I ერისთავი
| ბაგრატ I | |
|---|---|
| იმერეთის ერისთავი | |
| მმართ. დასაწყისი: | 1329 |
| მმართ. დასასრული: | 1330 |
| წინამორბედი: | მიქელი I |
| მემკვიდრე: | ალექსანდრე I |
| პირადი ცხოვრება | |
| დაბ. თარიღი: | ? |
| გარდ. თარიღი: | 1372 |
| გარდ. ადგილი: | ქუთაისი |
| შვილები: |
1.ალექსანდრე 2.გიორგი 3.კონსტანტინე |
| დინასტია: | ბაგრატიონები |
| მამა: | მიქელი I |
ბაგრატ I ერისთავი (გ. 1372) — იმერეთის ტახტის პრეტენდენტი, დავით VI ნარინის შვილიშვილი. მამის, მიქელ დავითის ძის, გარდაცვალებისას მცირეწლოვანი იყო და ფაქტობრივად მხოლოდ სამეფო დომენს ფლობდა. 1330 წელს გიორგი V ბრწყინვალე იმერელ ფეოდალთა ნაწილთან შეთანხმებით დასავლეთ საქართველოში გადავიდა და ქუთაისის ციხეში თავისი მომხრეებით გამაგრებულ ბაგრატ I-ს ალყა შემოარტყა. ბაგრატ I იძულებული გახდა მეფეს მორიგებოდა და იმერეთი დაეთმო. სამაგიეროდ გიორგი V-მ მას შორაპნის საერისთავო უბოძა. 1358 წელს ბაგრატ I-მა საქართველოს მეფის დავით IX-ის ნებართვით ცოლად შეირთო ყვარყვარე I ათაბაგის ასული, რომელთანაც სამი ვაჟი: ალექსანდრე, გიორგი და კონსტანტინე შეეძინა.
ლიტერატურა[რედაქტირება | წყაროს რედაქტირება]
- ჩხატარაიშვილი ქ., ქართული საბჭოთა ენციკლოპედია, ტ. 2, თბ., 1977. — გვ. 128.
| წინამორბედი: მიქელი I |
იმერეთის ერისთავი 1329 - 1330 |
შემდეგი: ალექსანდრე I |