ბაგრატი (აფხაზთა მეფისწული)

მასალა ვიკიპედიიდან — თავისუფალი ენციკლოპედია
Jump to navigation Jump to search

ბაგრატიაფხაზთა მეფის კონსტანტინე III-ის უმცროსი ძე მეორე ქორწინებიდან (დედის ვინაობა უცნობია). მამის გარდაცვალების (922) შემდეგ ტახტს ეცილებოდა უფროს ნახევარძმას, გიორგი II-ს. ამ ბრძოლაში ბაგრატს მხარს უჭერდა მისი სიმამრი, ტაოელი ერისთავთერისთავი გურგენი. „მატიანე ქართლისაჲს“ ცნობით, ეს დაპირისპირება აღწერილი ყოფილა აფხაზ მეფეთა ცხოვრებაში: „და იყო მათ შორის ბრძოლაჲ ფიცხელი, რომელი თჳთოეულად ჰპოვო ცხოვრებასა მათსა“. მხოლოდ ბაგრატის გარდაცვალების (930 წ. კ. თუმანოვის მიხედვით) შემდეგ მოახერხა საბოლოოდ გიორგიმ ხელისუფლების განმტკიცება.

ლიტერატურა[რედაქტირება | წყაროს რედაქტირება]

  • „ქართლის ცხოვრება“, რ. მეტრეველის რედაქციით, საქართველოს მეცნიერებათა ეროვნული აკადემია, თბ., 2008: გვ. 261