ახალციხის ბრძოლა (1853)

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ ახალციხის ბრძოლა.
ახალციხის ბრძოლა
ყირიმის ომის ნაწილი
თარიღი 14 ნოემბერი 1853
მდებარეობა ახალციხე
შედეგი რუსეთის იმპერიის გამარჯვება
მხარეები
{{{link alias-s}}} დროშა რუსეთის იმპერია ოსმალეთის დროშა ოსმალეთის იმპერია
მეთაურები
ივანე ანდრონიკაშვილი მეჰმდეგ ალი-ფაშა
ძალები
7 000 ჯარისკაცი 18 000 ჯარისკაცი
დანაკარგები
361 3 500

ახალციხის ბრძოლაყირიმის ომის ერთ-ერთი ეპიზოდი, რომლის დროსაც რუსეთის იმპერიის ძირითადად ქართველთა არარეგულარულ კავალერისტების პოლკებისგან დაკომპლექტებულმა დივიზიებმა დაამარცხეს ოსმალეთის არმია ახლაციხისთვის ბრძოლაში.

მიუხედავად იმისა, რომ ყირიმის ომის დროს ძირითადად სამხედრო ოპერაციები მიმდინარეობდა ყირიმის ნახევარკუნძულზე, ოსამლეთის იმპერიამ და მისმა მოკავშირეებმა დარტყმები მიიტანეს სხვა რეგიონებზეც, მათ შორის სამხრეთ კავკასიაზე. 1853 წლის 15 ოქტომბერს ოსმალეთის სამხედრო შენაერთები თავს დაესხნენ გურიის საგუშაგოს შეკვეთილთან და დაამარცხეს იქ გამაგრებული გარნიზონი. ამის შემდეგ ოსმალეთმა 18 ათასიანი ლაშქრით მიიტანა იერიში ახალციხეზე, რომელიც ადრიანოპოლისის ზავის მიხედვით რუსეთის იმპერიის შემადგენლობაში იყო. ოსმალებმა ალყაში მოაქციეს ახალციხეში მდგარი ძირითადად რუსებისგან შემდგარი გარნიზონი. კავკასიის მეფისნაცვალმა მიხეილ ვორონცოვმა გარნიზონის დახსნით ოპერაციაში 7000 კაციანი არმიის სარდლობა გენერალ-ლეიტენანტ ივანე ანდრონიკაშვილს დაავალა. 1853 წლის 14 (26) ნოემბერს რუსეთის იმპერიის ძირითადად ქართველთა არარეგულარულ კავალერისტების პოლკებისგან დაკომპლექტებულმა დივიზიებმა ახალციხეში გამაგრებულ გარნიზონთან ერთად მოახერხეს სისხლისმღვერ ბრძოლაში ოსმალების დამარცხება და მოწინააღმდეგის განდევნა.

სქოლიო[რედაქტირება | წყაროს რედაქტირება]