აშთარხანიდები

მასალა ვიკიპედიიდან — თავისუფალი ენციკლოპედია

აშთრახანიდები, ჯანიდებიბუხარის ხანების დინასტია 1599-1753 წწ., რომლის მამამთავარი იყო ჯუჩის შთამომავალი, ასტრახანელ ხანთა წარმომადგენელი უფლისწული ჯანიბექ-სულთანი (მისი სახელიდან და ასტრახანიდან მომდინარეობს დინასტიის სახელწოდებები „აშთრახანიდები“ და „ჯანიდები“). ამ დინასტიამ შეცვალა მისივე მონათესავე შაიბანიდების დინასტია. ბუხარასა და ხვარაზმში გაბატონებისათვის აშთრახანიდებს აქაურ ტომებთან დიდი ბრძოლების გადატანა მოუხდათ. დინასტიის არსებობის ბოლო ხანებში ისინი ირანის შაჰის ნადირის ვასალები იყვნენ. 1753 წელს აშთრახანიდების მმართველობა დასრულდა. გაბატონდა მანღითების დინასტია.

ლიტერატურა[რედაქტირება | წყაროს რედაქტირება]

  • ქართული საბჭოთა ენციკლოპედია, ტ. 2, თბ., 1977. — გვ. 67-68.
  • ს. თეზელიშვილი. მსოფლიოს სამეფო დინასტიები. გამომც. "საქართველოს მაცნე". თბ. 1998 წ.