აღმოსავლეთ კორეის მთები
| აღმოსავლეთ კორეის მთები | |
|---|---|
| კოორდინატები: 37°50′ ჩ. გ. 128°40′ ა. გ. / 37.833° ჩ. გ. 128.667° ა. გ. | |
| ქვეყანა |  ჩრდილოეთი კორეა სამხრეთი კორეა
|
| უმაღლესი წერტილი | ჩირისანი |
| სიმაღლე | 1915 მ |
| ფართობი | 127 940 კმ² |
| სიგრძე | 607 კმ |
| სიგანე | 443 კმ |
| ამგებელი ქანები | კირქვა, ფიქალი, ქვიშაქვა |
  | |
 | |
აღმოსავლეთ კორეის მთები — მთათა სისტემა კორეის ნახევარკუნძულის აღმოსავლეთ ნაწილში. მოიცავს ტებექსანის ქედს მის ჩრდილოეთ ნაწილში მდებარე კიმგანსანის (ალმასის) მთებიანად, სობექსანის, ნორიონის, ჩხარიონის, კიონსანის ქედებს. მაქსიმალური სიმაღლე 1915 მ (მთა ჩირისანი). აღმოსავლეთ კორეის მთები ძლიერ დანაწევრებულია ღრმა ხეობებით. მთების ჩრდილოეთი ნაწილი (ტებექსანი) ჩინეთ-კორეის ბაქნის ფარგლებშია და წარმოადგენს ძველი კრისტალური ქანებით აგებულ ლოდა ქედების რთულ სისტემას, სამხრეთი ნაწილი მეზოზოური კირქვებით, ფიქლებითა და ქვიშაქვებით აგებული სტრუქტურებია. ჰავა მუსონურია, ჩრდილოეთში — ზომიერი, სამხრეთში — სუბტროპიკული. დამახასიათებელია ფართოფოთლოვანი (ჩრდილოეთში) და მარადმწვანე (სამხრეთში), უფრო ზევით — წიწვოვანი ტყეები (ფიჭვი, ლარიქსი, ნაძვი).
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 2, თბ., 1977. — გვ. 56.