აღმოსავლეთის რეგიონი (განა)

რეგიონი
აღმოსავლეთის რეგიონი ინგლ. Eastern Region
დროშა
ქვეყანა	განა
ადმ. ცენტრი	კოფორიდუა
შიდა დაყოფა	Akuapim North Municipal District, Akuapim South District, Akyemansa District, Asuogyaman District, Atiwa District, Ayensuano District, Birim Central Municipal District, Birim North District, Birim South District, Denkyembour District, Fanteakwa District, Kwaebibirem Municipal District, Kwahu Afram Plains South District, Kwahu East District, Kwahu Afram Plains North District, Kwahu South District, Kwahu West Municipal District, Lower Manya Krobo Municipal District, New Juaben Municipal District, Nsawam Adoagyire Municipal District, Suhum/Kraboa/Coaltar District, Upper Manya Krobo District, Upper West Akim District, West Akim Municipal District და Yilo Krobo Municipal District
კოორდინატები	6°30′00″ ჩ. გ. 0°30′00″ დ. გ.
ფართობი	19 323 კმ²
მოსახლეობა	2 925 653 კაცი (2021)
სიმჭიდროვე	151,41 კაცი/კმ²
სასაათო სარტყელი	გრინვიჩის საშუალო დრო
ოფიციალური საიტი	http://www.easternregion.gov.gh/
აღმოსავლეთის რეგიონი ვიკისაწყობში

აღმოსავლეთის რეგიონი (ინგლ. Eastern Region) — განის 16 რეგიონიდან ერთ-ერთი, პირველი დონის ადმინისტრაციულ-ტერიტორიული ერთეული მდინარე ვოლტის დასავლეთით. ადმინისტრაციული ცენტრი — კოფორიდუა.

ჩრდილოეთიდან ესაზღვრება აღმოსავლეთ ბონოს რეგიონს, აღმოსავლეთიდან ვოლტის რეგიონს, სამხრეთით, გვინეის ყურის სანაპიროსთან მდებარე, ცენტრალურ და დიდი აკრის რეგიონებს, დასავლეთით აშანტის რეგიონს.

1957 წლის 6 მარტს დიდი ბრიტანეთისგან განის დამოუკიდებლობის მოპოვების შემდეგ, ყოფილი ბრიტანული კოლონია ოქროს ნაპირის სანაპირო რეგიონი გაიყო აღმოსავლეთის და დასავლეთის რეგიონებად. 1975 წელს აღმოსავლეთის რეგიონის შემადგენლობიდან გამოიყო დიდი აკრის რეგიონი.

აღმოსავლეთის რეგიონის ადმინისტრაციული რუკა

2021 წლის მოსახლეობის აღწერის მონაცემების მიხედვით რეგიონს მესამე ადგილი უკავია ქვეყანაში დიდი აკრისა და აშანტის რეგიონების შემდეგ. 1977 წლის მდგომარეობით აღმოსავლეთის რეგიონში ქალაქების განვითარების საქალაქო აგლომერაციების ჩამოყალიბების დონეზე პროცესი მიმდინარეობდა უფრო ნაკლებად, ვიდრე დასავლეთის რეგიონში. აშანტის და აღმოსავლეთის რეგიონებში არსებობს ბოქსიტის საბადოები ალუმინის ოქსიდის მდიდარი შემცველობით (63 %-მდე). 1963 წლის მდგომარეობით ალმასის მოპოვება თითქმის მთლიანად თავმოყრილია აღმოსავლეთის რეგიონის მდინარე ბირიმის რაიონში და დასავლეთის რეგიონში მდებარე ქალაქ ტარკვის სამხრეთით — მდინარე ანკობრის შენაკად ბონსის ხეობაში. პირველი, უფრო დიდი, საბადო იმყოფება უცხოური კომპანიების ხელში, რომლებიც მანქანებს იყენებენ, მეორე საბადო მუშავდება ადგილობრივი მეწარმეების მიერ. აღმოსავლეთის რეგიონში (ნკოკო და სხვა) მიმდინარეობს ძირითადი ხე-ტყის ჭრა და მასალების დამზადება.

1985 წლის მდგომარეობით აღმოსავლეთის რეგიონში აკანები შეადგენენ მოსახლეობის დაახლოებით 70 %-ს, ხოლო ევე — 30 %-ს.