ასციტი
| ასციტი | |
|---|---|
 | |
| დარგი |
გასტროენტეროლოგია  |
| კლასიფიცირება და გარე წყაროები | |
| DiseasesDB | 943 |
| ICD-10 | R18 |
| ICD-9 | 789.5 |
| eMedicine | ped/2927 med/173 |
| Patient UK | ასციტი |
| MeSH | D001201 |
ასციტი (ძვ. ბერძნ. ἀσκίτης < ἀσκός [ascos] — „თულუხი“), მუცლის წყალმანკი — სითხის დაგროვება მუცლის ღრუში. ვითარდება გულის, თირკმლებისა და ღვიძლის დაავადებათა, ტუბერკულოზური პერიტონიტის, ნაწლავთა გაუვალობის, შიმშილით გამოწვეული შეშუპების, კარის ან ღვიძლის ვენებზე სიმსივნის დაწოლის, თრომბოზის და სხვათა შედეგად. სითხის დიდი რაოდენობით დაგროვების (ზოგჯერ 25 ლ აღწევს) დროს მუცელი გადიდებული და შებერილია, მუცლის კანი დაჭიმულია, პრიალებს, კარგად მოჩანს გაგანიერებული ვენები.
მკურნალობენ ასციტის გამომწვევ ძირითად დაავადებას. ავადმყოფს ენიშნება შარდმდენი საშუალებანი. უკიდურეს შემთხვევაში მიმართავენ სითხის გამოშვებასაც (სპეციალური ხელსაწყოთი, ტროაკარით, ჩხვლეტენ მუცლის კედელს და უშვებენ სითხეს).
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 1, თბ., 1975. — გვ. 663.