არშუშა პატრიკიოსის წარწერა

არშუშა პატრიკოსის მოსახსენებელი წარწერა — ასომთავრული წარწერა, რომელიც განთავსებულია ორ ფილაზე. შეიცავს 11 სტრიქონს. ფილები დაზიანებულია. წარწერა იპოვეს აბასთუმნის ეკლესიის ნანგრევებთან. ქარაგმის ნიშანი წარწერას არ ახლავს.

წარწერა

Ⴕ ...ჲვტნაე მფსა
დიდლი ნთვთ
...ბრძნბთა ღთვდცლა მფლა
არშა პტკსა და ნბთა ღთთა ქვთა ერთა
ქრპლს ცხსთა. ობთ მწოლ ვიყავ და
ამრთე პტსნი ჯი წა ღსთმშბლსა სხლა
სლცლდ ჩმდა და
ძმთა ჩმთა მეო
ხბსათს ყ.ა ჭრსა
ამს სწთრს ა სკნს
და ვნ აღხს ლცვა მჴსნ

წარწერის წაკითხვა

[შეწევნითა ქრისტჱსითა], ჲვსტინიანე მეფისა [ზე მე
ვიქმენ ღმრთისაგან განდიდებული ნათესავთ [ა
ყოველთა ჩემთა]: ბრძანებითა ღმრთივდაცვულისა მამფლისა
არშუშა პატრიკიოსისა და ნებითა ღმრთისაჲთა ქართველთა ერისთავისა
ქრისეპულის (?) ციხისვთობით მოწოდებულ ვიყავ და
აღვმართე პატიოსანი ჯუარი წმინდისა ღმრთისმშობელისა სახელსა
სალოცველად ჩემდა და
ძმათა ჩემთა მეო-
ხებისათჳის ყოელისა ჭირისა
ამას საწუთროს და საუკუნეს.
და ვინ აღმოიკითხოს, ლოცვასა მომიჴსენო[ს].

დათარიღება

ნოდარ შოშიაშვილი წარწერას იუსტინიანე II-ის მოღვაწეიობის გამორჩეულ პერიოდს უკავშირებს ( 685-595; 705-711), მაგრამ წარწერაში ამ იმპერატორის სახელის უდავოდ ამოკითხვა საეჭვოა. სარგის კაკაბაძის აზრით, წარწერა VII-VIII საუკუნეებისაა. თეიმურაზ ბარნაველი მიიჩნევს, რომ ძეგლი VI საუკუნეებისაა. ამავე დროს მიაკუთვნებს წარწერას აკაკი ბაქრაძე. ვალერი სილოგავა თვლის, რომ წარწერა X საუკუნისაა.

ლიტერატურა

დანელია კ., სარჯველაძე ზ., „ქართული პალეოგრაფია“, გამომცემლობა „ნეკერი“, გვ. 35., თბ. 1997 წ.