არქიკარპიუმი
არქიკარპიუმი (ბერძნ. arche „საწყისი, მთავარი“ და karpos „ნაყოფი“) მრავალი ჩანთიანი სოკოს მდედრობითი სასქესო ორგანო.
არქიკარპიუმში არჩევენ ქვედა, გაფართოებულ ნაწილს — ასკოგონსა და ზედა, ვიწრო — ტრიქოგინას. მამრობით სასქესო ორგანოში (ანთერიდიუმში) განვითარებული სასქესო უჯრედები ტრიქოგინის გავლით ხვდება ასკოგონში. აქედან ვითარდება ე. წ. ასკოგენური ჰიფები, რომელთაგანაც სპორების შემცველი ჩანთები (ასკები) წარმოიქმნება.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 1, თბ., 1975. — გვ. 602.