არიფ ბაბაევი

მასალა ვიკიპედიიდან — თავისუფალი ენციკლოპედია
არიფ ბაბაევი
აზერ. Arif Babayev

ბიოგრაფია
დაბ. თარიღი 20 თებერვალი 1938 (83 წელი)
აღდამის რაიონი, აზერბაიჯანის სსრ, სსრკ
დაბ. ადგილი სარიჰაჯილი
წარმოშობა დროშა: აზერბაიჯანი აზერბაიჯანი
ჟანრ(ებ)ი მუღამი
არიფ ბაბაევი ვიკისაწყობში

არიფ იმრან ოღლი ბაბაევი (აზერ. Arif İmran oğlu Babayev; დაბ. 20 თებერვალი 1938, სარიგიჯილი, აგდამის რაიონი) — საბჭოთა და აზერბაიჯანელი ხანენდე, აზერბაიჯანის სსრ სახალხო არტისტი (1989).

ბიოგრაფია[რედაქტირება | წყაროს რედაქტირება]

დაიბადა 1938 წლის 20 თებერვალს აზერბაიჯანის სსრ აგდამის რაიონის სოფელ სარიგაჯილში.

1963 წელს დაამთავრა აზერბაიჯანის კულტურისა და ხელოვნების სახელმწიფო ინსტიტუტი. 1964-დან 1966 წლამდე მუშაობდა აზერბაიჯანის სახელმწიფო ფილარმონიაში. 1966-დან 2006 წლამდე მუშაობდა აზერბაიჯანის ოპერისა და ბალეტის სახელმწიფო თეატრში.

1982-დან 1984 წლამდე ბიულბიულის სახელობის საშუალო სპეციალურ მუსიკალურ სკოლაში ასწავლიდა.[1] 1984 წლიდან დაიწყო აზერბაიჯანის სახელმწიფო კონსერვატორიაში მუღამის სწავლება, სადაც ამჟამადაც სოლო სიმღერის კათედრის გამგეა.[2] 1996 წელს მიიღო მუღამის პროფესორის სტატუსი.

შემოქმედებითი საქმიანობა[რედაქტირება | წყაროს რედაქტირება]

თავისი შემოქმედებითი მოღვაწეობა 1960 წელს დაიწყო. ბაბაევმა განასახიერა სახასიათო როლები: მეჯნუნი და კერემი უზეირ ჰაჯიბეკოვის ოპერებში «ლეილი და მეჯნუნი» და «ასლი და კერემი», აშუღი ღარიბი ზულფუგა გაჯიბეკოვის ოპერაში «აშიგ ღარიბ», ჯამალი შაფილი ახუნდოვის ოპერაში «პატარძლის კლდეში». ხანენდემ ოსტატურად შეასრულა მუღამ-დასტგიახი «შური», «სეგიახი», ზარბი-მუღამი «არაზბარი», «ყარაბახ შიქესტესი».[2] მან იმოგზაურა სხვადასხვა ქვეყანაში, სადაც წარმოადგინა აზერბაიჯანული მუღამის ხელოვნება.

სქოლიო[რედაქტირება | წყაროს რედაქტირება]