არისტარქე სამოთრაკიელი (ძვ. ბერძნ.Ἀρίσταρχος ὁ Σαμόθραξ; დ. ძვ. წ. 217 — გ. დაახლ. ძვ. წ. 144) — ძველი ბერძენი გრამატიკოსი და კრიტიკოსი, ალექსანდრიული ფილოლოგიის თვალსაჩინო წარმომადგენელი. იყო არისტოფანე ბიზანტიონელის მოწაფე. სახელი გაითქვა ბერძენ ავტორთა ნაწარმოებების, განსაკუთრებით კი ჰომეროსის პოემების განმარტებებით და კრიტიკული გამოცემებით ლიტერატურულ-კრიტიკულ თხზულებებში არისტარქე სამოთრაკიელი განიხილავს ტექსტის გამოცემისას და დადგენის მეთოდებს, ილაშქრებს ჰომეროსის ტექსტის მცდარი ინტერპრეტაციების წინააღმდეგ, გამოთქვამს საყურადღებო მოსაზრებებს გრამატიკის საკითხებზე. არისტარქე სამოთრაკიელის ნაშრომთაგან შემორჩენილია მხოლოდ ფრაგმენტები.
