არდიტო დეზიო

მასალა ვიკიპედიიდან — თავისუფალი ენციკლოპედია
Jump to navigation Jump to search
არდიტო დეზიო
Ardito Desio.jpg
არდიტო დეზიო
დაბ. თარიღი 18 აპრილი, 1897
პალმანოვა, იტალია
გარდ. თარიღი 12 დეკემბერი, 2001
რომი, იტალია
საქმიანობა გეოლოგია
მოგზაური
ალპინიზმი
კარტოგრაფია

არდიტო დეზიო (იტალ. Ardito Desio; დ. 18 აპრილი, 1897, პალმანოვა, იტალია — გ. 12 დეკემბერი, 2001, რომი, იტალია) — იტალიელი გეოლოგი, მოგზაური, მთამსვლელი და კარტოგრაფი. სათავეში ედგა პირველ წარმატებულ მეთორმეტე იტალიურ ექსპედიციას მწვერვალ ჩოგორზე, რომელიც დაიპყრეს ამ ექსპედიციის წევრებმა აკილე კომპანიონიმ და ლინო ლაჩედელიმ 1954 წლის 31 ივლისს. საკუთრივ დეზიომ მწვერვალის საფინალო დალაშქვრა არ განახორციელა თავისი ასაკის გამო. 1954 წელს განხორციელებული საგმირო საქმე განპირობებული იყო დეტალური გეგმითა და დისციპლინირებული სამხედრო სტრატეგიით. პირველი მსოფლიო ომის დროს დეზიო იყო სამთო ჯარის ლეიტენანტი. მოგვიანებით სწავლობდა ფლორენციის უნივერსიტეტში (1916–1920), სადაც საბუნებისმეტყველო მეცნიერებებს დაეუფლა. იყო მილანის უნივერსიტეტის გეოლოგიის პროფესორი და აგრეთვე ფიზიკური გეოგრაფიის, გეოლოგიისა და პალეონტოლოგიის ლექტორი (1928–1931) იმავე უნივერსიტეტში. 1973 წლიდან მილანის უნივერსიტეტის საპატიო პროფესორი. გეოლოგიაში 400-ზე მეტი პუბლიკაციის ავტორია. ხელმძღვანელობდა სამეცნიერო ექსპედიციებს აფრიკაში, შუა და ახლო აღმოსავლეთსა და ანტარქტიკაში. მისი წიგნი „Ascent of K2“ (1955) ითარგმნა 11 ენაზე. გარდაიცვალა 104 წლის ასაკში.

რესურსები ინტერნეტში[რედაქტირება | წყაროს რედაქტირება]