არაუკარია

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
არაუკარია
Araucaria araucana Lanin.jpg
მეცნიერული კლასიფიკაცია
სამეფო: მცენარეები
ლათინური სახელი
Araucaria

არაუკარია (ლათ. Araucaria) — წიწვოვან მცენარეთა გვარი არაუკარიისებრთა ოჯახისა. ცნობილია 20-მდე სახეობა. გავრცელებულია სამხრეთ ამერიკაში, ავსტრალიასა და წყნარი ოკეანის კუნძულებზე. 50-60, ზოგჯერ 90 მ სიმაღლის ბრტყელწიწვიანი, რგოლურად განლაგებული ტოტებისა და ფარჩხატი ვარჯის მქონე ხეებია.

არაუკარია სითბოს მოყვარულია. საქართველოში ინტროდუცირებულია ამ გვარის რამდენიმე სახეობა. მათგან ყველაზე ყინვაგამძლე ჩილური არაუკარია (Araucaria aracuana) ჩილეს მთებიდან არის შემოტანილი და დეკორატიულ მცენარედ მოშენებულია შავი ზღვის სანაპიროზე. სხვა სახეობებს (Araucaria excelsa, Araucaria bidwilli და სხვა) უფრო მეტად ოთახებსა და ორანჟერეებში აშენებენ. ზოგი სახეობის თესლი იჭმება. მერქანს სამშენებლო მასალად იყენებენ.

ლიტერატურა[რედაქტირება | წყაროს რედაქტირება]