მიქელანჯელო ანტონიონი

მიქელანჯელო ანტონიონი
მიქელანჯელო ანტონიონი
დაბადების თარიღი	29 სექტემბერი, 1912; ფერარა, იტალია
გარდაცვალების თარიღი	30 ივლისი, 2007; რომი, იტალია
საქმიანობა	რეჟისორი
აქტიური	1942-2004
მეუღლე(ები)	ლეტიცია ბალბონი (1942–1954) ენრიკა ანტონიონი (1986–2007)
ოსკარი	საპატიო ოსკარი (1994)
სხვა ჯილდოები	ვერცხლის ლომი; 1955 — მეგობრები; ოქროს პალმის რტო; 1967 — ფოტოგადიდება

მიქელანჯელო ანტონიონი (იტალ. Michelangelo Antonioni; დ. 29 სექტემბერი, 1912 — გ. 30 ივლისი, 2007) — იტალიელი კინორეჟისორი.

ბიოგრაფია[რედაქტირება | წყაროს რედაქტირება]

ანტონიონი დაიბადა ქალაქ ფერარაში. დაამთავრა ბოლონიის უნივერსიტეტი ეკონომიკის ბაკალავრის ხარისხით. 1939 წელს მუშაობა დაიწყო რომში. რეჟისორული დებიუტი ანტონიონიმ 1942 წელს დოკუმენტური ფილმით „ადამიანები მდინარე პოდან“ დაიწყო. მისი პირველი გამორჩეული ფილმი იყო „მეგობრები“, რომელიც 1955 წელს ვერცხლის ლომით დაჯილდოვდა.

მის შემოქმედებას ეკუთვნის ეგზისტენციალისტური ტეტრალოგია: „თავგადასავალი“, „ღამე“, „დაბნელება“, „წითელი უდაბნო“. ფილმი „ღამე“ ოქროს დათვით დაჯილდოვდა, ხოლო თავად ანტონიონიმ დავიდ დი დონატელოს პრემია მიიღო საუკეთესო რეჟისორისთვის.

ანტონიონის ეკუთვნის ასევე „ზაბრისკი პოინტი“, რომლის მუსიკა Pink Floyd-ს ეკუთვნის და „პროფესია რეპორტიორი“ ჯეკ ნიკოლსონის მონაწილეობით. ფილმი „წითელ უდაბნო“ 1964 წელს ვენეციის კინოფესტივალზე ოქროს ლომით დაჯილდოვდა, ხოლო ფილმი ფოტოგადიდება კანის კინოფესტივალის ოქროს პალმის რტოს მფლობელი გახდა.

კინორეჟისორი ყურადღებას ყოველთვის ადამიანებს შორის კომუნიკაციის პრობლემაზე ამახვილებდა. მისი მუზა მსახიობი მონიკა ვიტი იყო. ამ უკანასკნელს რამდენიმე მთავარი როლი აქვს შესრულებული ანტონიონის ფილმებში.

ფილმოგრაფია[რედაქტირება | წყაროს რედაქტირება]

1955 — დაქალები / Le amiche
1957 — ყვირილი / Il grido
1960 — თავგადასავალი / L’avventura
1961 — ღამე / La notte
1962 — დაბნელება / L’eclisse
1964 — წითელი უდაბნო / Il deserto rosso
1966 — ფოტოგადიდება / Blowup
1970 — ზაბრისკი პოინტი / Zabriskie Point
1975 — პროფესია: რეპორტიორი / Professione: reporter
1980 — ობერვალდის საიდუმლო / Il mistero di Oberwald
1982 — ქალის იდენტიფიკაცია / Identificazione di una donna
1995 — ღრუბლებს მიღმა (ვიმ ვენდერსთან ერთად) / Par Dela Les Nuages
2004 — ეროსი (ეპიზოდი «საგნების საშიში კავშირი») / Eros (Il filo pericoloso delle cose)

რესურსები ინტერნეტში[რედაქტირება | წყაროს რედაქტირება]