ანოდი

ანოდი (ძვ. ბერძნ. ἄνοδος [anodos] — „აწევა“, „ასვლა“ < ἀνά [ana] — „ზევით“ და ὁδός [hodos] — „გზა“, „მოძრაობა“; სახელწოდება შემოიღო ინგლისელმა ფიზიკოსმა მ. ფარადეიმ, 1834 წელს) — ელექტრონული ან ელექტრონული ხელსაწყოს დადებითი ელექტროდი, რომელიც ხასიათდება იმით, რომ ელექტრონების მოძრაობა გარე წრედში მისგან საპირისპიროდაა მიმართული.

ანოდი შეიძლება იყოს:

• ელექტრული დენის წყაროს დადებითი ელექტროდი, მაგალითად, გალვანური ელემენტის ან ელექტრული აკუმულატორის დადებითი პოლუსი.
• ელექტრონული ხელსაწყოს (იონური ხელსაწყოს) ელექტროდი, რომელიც ჩვეულებრივ მიერთებულია ელექტრული დენის წყაროს დადებით პოლუსთან.
• ელექტროლიტური აბაზანის დადებითი პოლუსი.
• ელექტრული რკალის დადებითი ელექტროდი.

დანიშნულების მიხედვით ანოდად იყენებენ ლითონებსა (ტანტალი, მოლიბდენი, ნიკელი, სპილენძი, რკინა, ვოლფრამი და სხვა) და გრაფიტს.

იხილეთ აგრეთვე

• კათოდი

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 469.