კირა ანდრონიკაშვილი

კირა ანდრონიკაშვილი
დაბადების სახელი	კირა ანდრონიკაშვილი
დაბადების თარიღი	29 ნოემბერი, 1908 თბილისი
გარდაცვალების თარიღი	24 თებერვალი, 1960 (51 წლის) თბილისი
საქმიანობა	მსახიობი

კირა გიორგის ასული ანდრონიკაშვილი (დ. 29 ნოემბერი, 1908, თბილისი — გ. 24 თებერვალი, 1960, იქვე) — ქართველი კინომსახიობი და რეჟისორი, საქართველოს ხელოვნების დამსახურებული მოღვაწე (1959). იყო მსახიობ ნატო ვაჩნაძის და.

ბიოგრაფია

1926–1928 წლებში სწავლობდა თსუ იურიდიულ ფაკულტეტზე, ხოლო 1929–1931 წლებში მოსკოვში იური ზავადსკის თეატრ-სტუდიაში. 1936 წელს დაამთავრა კინემატოგრაფიის საკავშირო სახელმწიფო ინსტიტუტის სარეჟისორი ფაკულტეტი. 1923 წლიდან ნატო ვაჩნაძესთან ერთად იღებდნენ ფილმებში. მისი პირველი მნიშვნელოვანი როლია ელისო ფილმში „ელისო. მუშაობადა აგრეთვე რეჟისორის ასისტენტად და მეორე რეჟისორად მხატვრულ ფილმებზე. 1950–1960 წლებში მისი რეჟისორობიღ ქართულ ენაზე დუბლირებული იყო 15-მდე საზღვარგარეთული ფილმი, მათ შორის „ოტელო“, „იდიოტი“, „წყნარი დორნი“ და სხვა.

ოჯახი

• მეუღლე — ბორის პილნიაკი (ფსევდონიმი ბორის ვოგაუ, 1894-1938), საბჭოთა მწერალი
• შვილი — ბორის ბორისის ძე ანდრონიკაშვილი-პილნიაკი (1934-1996), საბჭოთა მწერალი, მსახიობი, სცენარისტი.

ფილმოგრაფია

• 1928: „ელისო“ (ელისო)
• 1924: „სამი სიცოცხლე“
• 1925: „ტარიელ მკლავაძის მკვლელობის საქმე“
• 1930: „მიწას სწყურია“ (ჯამალა)
• 1933: „უდაბნო“ (აქტივისტი ქალი)
• 1941: „შავ მთებში“ (სტეფანეს ცოლი)
• 1943: „ის კიდევ დაბრუნდება“
• 1944: „ჭირვეული მეზობლები“
• 1958: „მაიაკოვსკი იწყებოდა ასე…“
• 1959: „ზვიგენის კბილი“ (ალის დედა)

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 450.

• გვენცაძე ა., ენციკლოპედია „საქართველო“, ტ. 1, თბ., 1997. — გვ. 450.

რესურსები ინტერნეტში

• კირა ანდრონიკაშვილი კინოფილმების ინტერნეტ-მონაცემთა ბაზაში
• კირა ანდრონიკაშვილი [დაარქივებული] — ეროვნული ფილმოგრაფია