ანასტას ჩაკალიდი

ანასტას ჩაკალიდი (დ. 16 აპრილი, 1909, სოხუმი — გ. 25 მაისი, 1982, თბილისი) — საბჭოთა მომღერალი (ლირიკული ტენორი). საქართველოს სსრ სახალხო არტისტი (1967).

1940 წელს დაამთავრა მოსკოვის კონსერვატორია (ნ. სპერანსკის კლასი); 1940 წლიდან იყო თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიური თეატრის სოლისტი. შესრულებული აქვს 27 საოპერო პარტია ქართველ, რუს და ევროპელ კომპოზიტორთა ოპერებში. განსაკუთრებით აღსანიშნავია: მალხაზი (ფალიაშვილის „დაისი“), ლენსკი (ჩაიკოვსკის „ევგენი ონეგინი“), ფაუსტი (გუნოს „ფაუსტი“), რუდოლფი (პუჩინის „ბოჰემა“). 1961 წლიდან ეწეოდა პედაგოგიურ მოღვაწეობას ზაქარია ფალიაშვილის სახელობის თბილისის მეორე სამუსიკო სასწავლებელში.

ლიტერატურა