ანასეული

მასალა ვიკიპედიიდან — თავისუფალი ენციკლოპედია
Jump to navigation Jump to search
უბანი
ანასეული
Road to Anaseuli2008.JPG
ქვეყანა საქართველოს დროშა საქართველო
მხარე გურიის მხარე
[[ქალაქი]] ოზურგეთი
კოორდინატები 41°54′34″ ჩ. გ. 41°59′02″ ა. გ. / 41.90944° ჩ. გ. 41.98389° ა. გ. / 41.90944; 41.98389
ფართობი 2,56 კმ²
ცენტრის სიმაღლე 460
მოსახლეობა 2400 კაცი
ეროვნული შემადგენლობა ქართველები
სასაათო სარტყელი UTC+4
სატელეფონო კოდი +995
ანასეული — საქართველო
ანასეული
ანასეული — გურიის მხარე
ანასეული

ანასეული — უბანი ქალაქ ოზურგეთში. . ანასეულში არის ქალაქის N5 საჯარო სკოლა[1] და საბავშვო ბაღი. ანასეულში განთავსებულია საქართველოში ერთადერთი სუბტროპიკული კულტურების სამეცნიერო-კვლევითი ინსტიტუტი.

გეოგრაფია[რედაქტირება | წყაროს რედაქტირება]

მდებარეობს ზღვის დონიდან 460 მეტრზე. ჰავა ხასიათდება სუბტროპიკული ნოტიო კლიმატით. საშუალო წლიური ტემპერატურა 13.6 0C, იანვარში +4.8 0C, ივლისი-აგვისტოში +22.6 0C, აბსოლუტური მინიმუმი -19 0C, აბსოლუტური მაქსიმუმი +41 0C. ნალექების საშუალო რაოდენობა წელიწადში - 2168 მმ, ნალექების დღეღამური მაქსიმუმი 216 მმ, ჰაერის ფარდობითი საშუალო წლიური ტენიანობა 76%

ისტორია[რედაქტირება | წყაროს რედაქტირება]

უძველესი ისტორია[რედაქტირება | წყაროს რედაქტირება]

Searchtool-80%.png მთავარი სტატია : ანასეულის ნამოსახლარი.

1956-63 ანასეულში ლ. ნებიერიძის ხელმძღვანელობით გათხარეს ნეოლითური ხანის სამოსახლო ბორცვები, რომლებსაც „მიწის ციხეს“ უწოდებენ. მოპოვებული არქეოლოგიური მასალა კინტრიშისა და გურიანთის არქეოლოგიური მასალის მსგავსია.

ფეოდალიზმის ხანა[რედაქტირება | წყაროს რედაქტირება]

გურიის მთავრის, მამია მეორის (1600-1625) ქალიშვილს, ანა ბატონიშვილს უნდა უკავშირდებოდეს სახელწოდება ანასეულის წარმოშობა. მამია II-მ ქალიშვილი ანა კახთა მეფე თეიმურაზს მიათხოვა და მამული უბოძა. 1809 იაკობ მარმა ჩაის კულტურის გასაშენებლად სწორედ ანასეული შეარჩია.

საბჭოთა პერიოდი[რედაქტირება | წყაროს რედაქტირება]

თავდაპირველად ანასეული წარმოადგენდა სოფელს. 1930 წელს დაარსდა ჩაის მეურნეობის ინსტიტუტი, რომელიც მოგვიანებით ჩამოყალიბდა ჩაისა და სუბტროპიკული კულტურათა სრულიად საკავშირო სამეცნიერო-კვლევით ინსტიტუტად. 1938 წლიდან ინსტიტუტს დაეკისრა მუშაობა ციტრუსოვან და სხვა სუბტროპიკულ კულტურებზე. 1948 წლიდან ინსტიტუტმა დაიწყო ციტრუსოვანთა სელექცია. ინსტიტუტს ფილიალები ჰქონდა ჩაქვში, სოხუმში, ფოთსა და ზუგდიდში. 1953 წელს ინსტიტუტში არსებული ჩაის განყოფილების ბაზაზე ჩამოყალიბდა ჩაის მრეწველობის ინსტიტუტი, რომელსაც გააჩნდა საკუთარი ჩაის ფაბრიკა. 1958 წელს მისი მოსახლეობა აღემატებოდა 900 კომლს. 1971 წელს ანასეულში დაიდგა ტელესარეტრანსლაციო სადგური.

ანასეულის მთის ხედი სოფელ კვირიკეთიდან

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]