ამერიკული დინგნიჩაბა

ამერიკული დინგნიჩაბა
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  სხივფარფლიანი თევზები რიგი:  ზუთხისნაირნი ოჯახი:  დინგნიჩაბასებრნი გვარი:  Polyodon სახეობა:  ამერიკული დინგნიჩაბა
ლათინური სახელი
Polyodon spathula (Walbaum, 1792)
სინონიმები
სია Squalus spathulus (Walbaum, 1792) Megarhinus paradoxus (Rafinesque, 1820) Platirostra edentula (Lesueur, 1818) Polyodon feuille (Lacépède, 1797) Polyodon folius (Bloch & Schneider, 1801) Proceros maculatus (Rafinesque, 1820) Spatularia reticulata (Shaw, 1804) Proceros vittatus (Rafinesque, 1820) Accipenser lagenarius (Rafinesque, 1820)
დაცვის სტატუსი
მოწყვლადი IUCN 3.1 Vulnerable : 17938
სისტემატიკა ვიკისახეობებში სურათები ვიკისაწყობში ITIS   161088 NCBI   7913 EOL   208600 FW   94913

ამერიკული დინგნიჩაბა (ლათ. Polyodon spathula) — თევზი დინგნიჩაბასებრთა რიგისა. აქვს წაგრძელებული სხეული, ქვევით განლაგებული პირი ორი ულვაშით, გვერდითი ხაზის არხები თავსა და ტანზე გარშემორტყმულია ფხებით. გავრცელებულია ჩრდილოეთ ამერიკის მდინარეებსა და ტბებში, მდინარე მისისიპის აუზში. სიგრძეში აღწევს 2 მეტრს, მასით — 70 კილოგრამს. დინგი ნიჩაბს წააგავს (აქედან სახელწოდება). პირი წინ არ იწევა, სალაყუჩე ფოთოლაკები გრძელი და მრავალრიცხოვანია. იკვებება ზოოპლანქტონით. შეტანილია ბუნების დაცვის საერთაშორისო კავშირის წითელ ნუსხაში. ზოგ ქვეყანაში შეყვანილია როგორც აკვაკულტურის ობიექტი; ჰყავთ სათევზე მეურნეობებში, უშვებენ წყალსაცავებში, სადაც წარმატებით იზრდება და შთამომავლობასაც იძლევა.