ამბავი კოლხი ასულისა — ისტორიკოს ლევან სანიკიძის ისტორიულ-მითოლოგიური რომანი პირველი ქართველი პრინცესის, მედეას შესახებ. რომანში ძვ. წ. (დაახლოებით) XV საუკუნეში განვითარებული მოვლენებია აღწერილი, რომელთაც ადგილი ჰქონდათ ძველ დასავლეთ საქართველოში — კოლხეთში; ფართოდ არის გაშუქებული ქალაქ ქუთაიაში, აიეტ მეფის კარზე დატრიალებული ეროვნული ტრაგედია, როდესაც ოქროს საწმისის წასაღებად მოსულ არგონავტებს მეფის უმცროსი ქალიშვილი, მედიცინის ფუძემდებელი მედეა ეხმარება სანუკვარი მიზნის მიღწევაში.
