ამაღლება (ვანის მუნიციპალიტეტი)

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ ამაღლება.
სოფელი
ამაღლება
ქვეყანა საქართველოს დროშა საქართველო
მხარე იმერეთის მხარე
მუნიციპალიტეტი ვანის მუნიციპალიტეტი
თემი ამაღლება
კოორდინატები 42°05′34″ ჩ. გ. 42°37′21″ ა. გ. / 42.09278° ჩ. გ. 42.62250° ა. გ. / 42.09278; 42.62250
მოსახლეობა 1052[1] კაცი (2014)
ეროვნული შემადგენლობა ქართველები 99,9 %
რელიგიური შემადგენლობა მართლმადიდებლები
სასაათო სარტყელი UTC+4
სატელეფონო კოდი +995
ამაღლება (ვანის მუნიციპალიტეტი) — საქართველო
ამაღლება (ვანის მუნიციპალიტეტი)
ამაღლება (ვანის მუნიციპალიტეტი) — იმერეთის მხარე
ამაღლება (ვანის მუნიციპალიტეტი)

ამაღლება[2]სოფელი საქართველოში, იმერეთის მხარის ვანის მუნიციპალიტეტში, თემის ცენტრი (სოფელი: ინაშაური). მდებარეობს იმერეთის დაბლობზე მდინარე კვინწყალის ორივე ნაპირზე. სოფელში დგას შუა საუკუნეების ორი ეკლესია, მათ შორის ერთი აშენებულია 1619 წელს.

მოსახლეობა[რედაქტირება | წყაროს რედაქტირება]

1926 წლისთვის ამაღლების თემი მოიცავდა სამ სოფელს, თემის მოსახლეობა შეადგენდა 4992 ადამიანს, ხოლო ფართობი 33,2 კმ²-ს.[3]

2014 წლის აღწერის მონაცემებით სოფელში ცხოვრობს 1052 ადამიანი.

აღწერის წელი მოსახლეობა კაცი ქალი
2002[4] 1357 635 722
2014[1] Decrease2.svg 1052 518 534

მოსახლეობის უმრავლესობა ეთნიკურად ქართველია, ყველაზე მრავალრიცხოვანი გვარებია: ხურციძეები, ხელაძეები და სხვ.

ეკონომიკა[რედაქტირება | წყაროს რედაქტირება]

სოფლის ეკონომიკის ძირითადი დარგია სოფლის მეურნეობა. სოფელში განვითარებულია მეღვინეობა, ამაღლებაში არის ღვინის საწარმო და საკონიაკო საამქრო.

კურორტი[რედაქტირება | წყაროს რედაქტირება]

სოფელი წარმოადგენს ადგილობრივი მნიშვნელობის ბალნეოლოგიურ კურორტს, რისი მიზეზიც იქ არსებული თერმული წყლებია. მინერალური თერმული წყლები შეიცავს ნატრიუმს, ქლორს, ნახშირორჟანგს და კაჟმჟავას. მისით მკურნალობენ: ქრონიკულ ართრიტს, ჰიპერტონულ დაავადებებს, ათეროსკლეროზს, რადიკულიტს, კარდიოსკლეროზს და სხვა.

განათლება[რედაქტირება | წყაროს რედაქტირება]

სოფელში მოქმედებს 1 საჯარო სკოლა, რომელიც შოთა რუსთაველის სახელს ატარებს. ასევე მოქმედებს ერთი დაწყებითი სკოლა. სოფელ ამაღლებაში უკვე XIX საუკუნეში არსებობდა კერძო სასწავლო დაწესებულება. XX საუკუნის 30-იან წლებში სოფელში აშენდა ხის სკოლა. 1963 წელს სკოლას რეკონსტრუქცია ჩაუტარდა. დღეს სკოლაში 200-მდე მოსწავლე სწავლობს. სოფელში მოქმედებს კლუბი და ბიბლიოთეკა.

ცნობილი ადამიანები[რედაქტირება | წყაროს რედაქტირება]

სოფელში დაიბადნენ:

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 7 ნოემბერი, 2016.
  2. საქართველოს სსრ გეოგრაფიული სახელების ორთოგრაფიული ლექსიკონი, გვ. 16, თბ., 1987.
  3. ქუთაისის მაზრის ადმინისტრაციული რუკა საქართველოს ეროვნული არქივი
  4. საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II