ალიბეკი

ალიბეკი
კოორდინატები: 43°16′11″ ჩ. გ. 41°31′43″ ა. გ.
ქვეყანა	საქართველო  რუსეთი
ტერიტორიული ერთეული	გულრიფშის მუნიციპალიტეტი ყარაჩაი-ჩერქეზეთი
სიმაღლე	2868 მ
ქედი	აფხაზეთის კავკასიონი
ამგებელი ქანები	კრისტალური ფიქლები
პირველი ასვლა	1936

ალიბეკი — მწვერვალი საქართველოში, აფხაზეთის ავტონომიურ რესპუბლიკაში, გულრიფშის მუნიციპალიტეტში. მდებარეობს აფხაზეთის კავკასიონის მთავარ წყალგამყოფ ქედზე, საქართველოსა და რუსეთის ყარაჩაი-ჩერქეზეთის საზღვარზე. ალიბეკი აღმართულია მდინარეების კოდორის მარჯვენა შენაკადის — ჩხალთისა და თებერდის სათავეებში. სიმაღლე ზღვის დონიდან 2868 მ. აგებულია კამბრიულისწინა და ქვედაპალეოზოური კრისტალური ფიქლებით. დაფარულია მუდმივი თოვლით. ალიბეკზე პირველად 1936 წელს ავიდნენ ჩხალთის ხეობიდან.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 308.