ალექსანდრე ჯანელიძის გეოლოგიის ინსტიტუტი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ალექსანდრე ჯანელიძის გეოლოგიის ინსტიტუტი
TSU Aleksandre Janelidze Institute of Geology.png
შეიქმნა 1925
ტიპი სამეცნიერო-კვლევითი დაწესებულება
მიზანი სამეცნიერო-კვლევითი, საკონსულტაციო და საექსპერტო საქმიანობა
მდებარეობა ა. პოლიტკოვსკაიას №31
დირექტორი თამარ წუწუნავა

ალექსანდრე ჯანელიძის გეოლოგიის ინსტიტუტი (ყოფ. „საქართველოს მეცნიერებათა აკადემიის ალ. ჯანელიძის სახელობის გეოლოგიური ინსტიტუტი“) დაარსდა პროფესორ ა. ჯანელიძის ინიციატივით თბილისის სახელმწიფო უნივერსიტეტის გეოლოგიისა და პალეონტოლოგიის კათედრის ბაზაზე 1925 წლის 25 დეკემბერს. იგი იყო გეოლოგიური პროფილის ერთ-ერთი პირველი სამეცნიერო-კვლევითი დაწესებულება ყოფილ საბჭოთა კავშირში. 1941 წელს ინსტიტუტი შევიდა ახლად დაარსებულ საქართველოს სსრ მეცნიერებათა აკადემიის სისტემაში, ხოლო 2006 წელს კი — საქართველოს განათლებისა და მეცნიერების სამინისტროს დაქვემდებარებაში.

ცნობები[რედაქტირება | წყაროს რედაქტირება]

გეოლოგიის ინსტიტუტის (მაშინ გეოლოგიისა და მინერალოგიის ინსტიტუტი) პირველი მეცნიერ თანამშრომლები იყვნენ: ა. ჯანელიძე (დირექტორი), კ. გაბუნია, გ. სმირნოვი, ნ. ყიფიანი, გ. წულუკიძე. შემდგომ წლებში ინსტიტუტი თანდათან ივსებოდა ახალგაზრდა კადრებით და ფართოვდებოდა სამეცნიერო-კვლევითი მუშაობის მასშტაბები. 40-იან წლებში ინსტიტუტში უკვე არსებობდა რამდენიმე ლაბორატორია, მონოგრაფიული პალეონტოლოგიური მუზეუმი და მდიდარი სპეციალური ბიბლიოთეკა.

ამჟამად გეოლოგიის ინსტიტუტში ფუნქციონირებს 5 სამეცნიერო განყოფილება: 1. სტრატიგრაფიისა და პალეონტოლოგიის (ხელმძღვანელი აკადემიკოსი მ. კაკაბაძე); 2. ტექტონიკის, რეგიონული გეოლოგიისა და სეისმოტექტონიკის (ხელმძღვანელი აკადემიკოსი ე. გამყრელიძე); 3. პეტროლოგიის, მინერალოგიის, ვულკანოლოგიისა და ლითოლოგიის (ხელმძღვანელი აკადემიკოსი დ. შენგელია); 4. სასარგებლო წიაღისეულის გეოლოგიის, გეოქიმიისა და იზოტოპური გეოქრონოლოგიის (ხელმძღვანელი აკადემიური დოქტორი მ. კეკელია); 5. გარემოს ფიზიკურ-ქიმიური კვლევის (ხელმძღვანელი აკადემიური დოქტორი ვ. გვახარია).

კვლევის შედეგებს აფასებს ინსტიტუტის სამეცნიერო საბჭო (თავმჯდომარე: აკადემიკოსი ე. გამყრელიძე).

შესრულებული სამუშაოების მონიტორინგს განახორციელებს ინსტიტუტის დირექტორი მეცნიერებათა დოქტორი თ. წუწუნავა.

ინსტიტუტში მუშაობს 91 თანამშრომელი, რომელთა შორის 54 მეცნიერია. მეცნიერულ შტატს წარმოადგენს 14 მეცნიერებათა დოქტორი, 27 მეცნიერებათა კანდიდატი (აკადემიური დოქტორი), 4 დოქტორანტი და 7 მაგისტრი. ინსტიტუტში მოღვაწეობს საქართველოს მეცნიერებათა ეროვნული აკადემიის 3 აკადემიკოსი და 2 აკადემიის წევრ-კორესპონდენტი.

რესურსები ინტერნეტში[რედაქტირება | წყაროს რედაქტირება]