ალბერტ რაზინი

მასალა ვიკიპედიიდან — თავისუფალი ენციკლოპედია
ალბერტ რაზინი
დაბ. თარიღი 12 ივნისი, 1940(1940-06-12)
დაბ. ადგილი კუზიუმოვო
გარდ. თარიღი 10 სექტემბერი, 2019(2019-09-10)[1] (79 წლის)
გარდ. ადგილი იჟევსკი
მოქალაქეობა  სსრკ
 რუსეთი
საქმიანობა ეთნოგრაფი, სოციოლოგი, ფილოსოფოსი, აქტივისტი და უნივერსიტეტის პროფესორი
მუშაობის ადგილი უდმურტეთის სახელმწიფო უნივერსიტეტი
ალმა-მატერი უდმურტეთის სახელმწიფო უნივერსიტეტი
სამეცნიერო ხარისხი ფილოსოფიის მეცნიერებათა კანდიდატი

ალბერტ რაზინი (რუს. Альберт Разин; დ. 12 ივნისი, 1940 — გ. 10 სექტემბერი, 2019, იჟევსკი) — უდმურტი მეცნიერი და საზოგადო მოღვაწე. უდმურტული ენის დაცვის აქტივისტი. ფილოსოფიის მეცნიერებათა კანდიდატი. 2019 წლის 10 სექტემბერს უდმურტეთის რესპუბლიკის პარლამენტის წინ განახორციელა თვითდაწვის აქტი, რუსეთის ენის პოლიტიკის წინააღმდეგ პროტესტის ნიშნად.

ბიოგრაფია[რედაქტირება | წყაროს რედაქტირება]

1962 წელს დაამთავრა უდმურტეთის სახელმწიფო პედაგოგიური ინსტიტუტი ქიმიისა და ბიოლოგიის მასწავლებლის კვალიფიკაციით. იყო უდმურტეთის სახელმწიფო უნივერსიტეტის ეროვნული ურთიერთობების ლაბორატორიის ერთ-ერთი დამფუძნებელი. 1992 წელს მიიღო მონაწილეობა უდმურტეთის უნივერსიტეტის ერთ-ერთი ინსტიტუტის შექმნაში, რომელსაც ხელმძღვანელობდა კიდეც.

მუშაობდა უდმურტეთის მეცნიერებათა საზოგადოებაში.

2019 წლის 10 სექტემბერს იჟევსკში, რესპუბლიკის პარლამენტის წინ, დილის 9 საათსა და 45 წუთზე რუსეთის ფედერაციის ენის პოლიტიკის გაპროტესტების ნიშნად დაიწვა თავი. ამ დროს მას ეკავა ორი პლაკატი. ერთზე ეწერა ავარელი პოეტის რასულ ჰამზათოვის სიტყვები:

ვიკიციტატა
„თუკი ხვალ ჩემი ენა გაქრება, მაშინ მე მზად ვარ დღეს მოვკვდე.“

მეორეზე კი ეწერა:

ვიკიციტატა
„მაქვს მე სამშობლო?“

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]