აისელ თეიმურზადე

მასალა ვიკიპედიიდან — თავისუფალი ენციკლოპედია
აისელ თეიმურზადე

ბიოგრაფია
დაბ. თარიღი 25 აპრილი, 1989(1989-04-25)[1] (34 წლის)
დაბ. ადგილი ბაქო
აისელ თეიმურზადე ვიკისაწყობში

აისელ თეიმურზადე (აზერ. Aysel Məhəmməd qızı Teymurzadə; დ. 25 აპრილი, 1989, ბაქო) — აზერბაიჯანელი პოპ და რიტმ-ენდ-ბლუზის ჟანრის მომღერალი.

ცნობილი გახდა მას შემდეგ რაც არაშთან ერთად წარსდგა მოსკოვში გამართულ 2009 წლის ევროვიზიის კონკურსზე, სიმღერით „Always“ და დაიკავა მე-3 ადგილი.

ბიოგრაფია[რედაქტირება | წყაროს რედაქტირება]

აისელი დაიბადა აზერბაიჯანის დედაქალაქ ბაქოში. ის იყო უმცროსი სამ დას შორის. დაიბადა ჟურნალისტისა და უნივერსიტეტის პროფესორის ოჯახში. მისი წინაპარი იყო მე-19 საუკუნის განმანათლებელი და ჟურნალისტი ჰასან ზარდაბი. მისი ბებია დედის მხრიდან იყო ნახევრად რუსული და ნახევრად უკრაინული წარმოშობის.[2] აისელმა სიმღერა დაიწყო ოთხი წლის ასაკიდან და ფორტეპიანო ბავშვობიდანვე გახდა მისი გატაცება.

აისელმა ბაქოში დაამთავრა ინტელექტ ლიცეუმი და 2005-2006 წლებში დადიოდა ტეხასის უმაღლეს სკოლაში. აშშ-ში ჩასვლის პერიოდში შეუერთდა ადგილობრივ გუნდს და დაიწყო ვარჯიში ახალგაზრდა მომღერალთა შეჯიბრებებისთვის.[3] აშშ-ში ყოფნის პერიოდში აისელმა სამხრეთ არკანზასის უნივერსიტეტსა და ოსტინის ტეხასურ უნივერსიტეტში გამართულ კონკურსებზე სამი ოქროს მედალი მოიპოვა.[3] 2005 წელს მონაწილეობა მიიღო აზერბაიჯანის ეროვნულ მუსიკალურ კონკურსში „Yeni Ulduz“ („ახალი ვარსკვლავი“) 2009 წლის ევროვიზიაზე გასვლის მომენტში, 2009 წლის იანვარში აზერბაიჯანის ენათა უნივერსიტეტში სწავლობდა საერთაშორისო ურთიერთობებს.[4]

ევროვიზია[რედაქტირება | წყაროს რედაქტირება]

აისელი არაშთან ერთად „ევროვიზია 2009“-ზე, მწვანე ოთახში.

2009 წლის იანვარში თეიმურზადე İTV-ს (აზერბაიჯანის საზოგადოებრივი მაუწყებელი) მიერ ირანელ-შვედ მომღერალ არაშთან ერთად შერჩეული იქნა აზერბაიჯანის წარმომადგენლად „ევროვიზია 2009“-ზე,[5] სიმღერით „Always“. აისელი გახდა პირველი ქალი რომელმაც წარადგინა აზერბაიჯანი ევროვიზიაზე. 2009 წლის 16 მაისს აისელ თეიმურზადემ და არაშიმ 25 ფინალისტს შორის 207 ქულით დაიკავეს მესამე ადგილი. [6]

აისელმა და არაშიმ ერთად მოიგეს რიგით მე-4 ევროვიიზიის კონკურსის „Radio Awards“-ის ჯილდო კატეგორიაში „საუკეთესო ჯგუფი“.[7]

ევროვიზიის შემდეგ[რედაქტირება | წყაროს რედაქტირება]

28 მაისს თეიმურაზადემ დაანონსა რომ არაშთან ერთად მოაწყობდა ევროპულ ტურნეს, მათ შორის ჩაატარებდა კონცერტებს საბერძნეთში, შვედეთსა და რუსეთში.[8] ტურნედან დაბრუნების შემდეგ მან დაანონსა რომ არაშთან და მის გუნდთან ერთად მუშაობდა ახალ ალბომზე რომელსაც Sony BMG და Warner Music გამოუშვებდნენ.[9][10] მათ გამოშვების კონკრეტული თარიღი არ დაუკონკრეტებიათ.

აისელი მონაწიელობდა Danone-ს იოგურტის მაღალპროფილურ რეკლამებში, რომელბიც აზერბაიჯანულ და ქართულ ტელეარხებზე გადიოდა.[11]

2012 წელს აისელ თეიმურზადე 5 სხვა მუსიკოსთან ერთად აზერბაიჯანიდან არჩეულნი იქნენ 2012 წლის ევროვიზიის დანიის ეროვნული შერჩევის ჟიურის წევრად.[12]

პირადი ცხოვრება[რედაქტირება | წყაროს რედაქტირება]

2012 წელს თეიმურზადე დაქორწინდა 39 წლის მურად ადიგოზალოვზე, აზერბაიჯანის სახელმწიფო ფილარმონიული საზოგადეობის დირექტორზე და ორი შვილის მამაზე.[13] ზოგიერთი წყაროს თანახმად, მისი გეგმა ქორწინების შემდეგ იყო დიდი სცენის დატოვება და მხოლოდ ოფიციალურ ღონისძიებებზე გამოსვლა.[14] წყვილს შეეძინა სამი შვილი, ორი ვაჟი (დ. 2012, დ. 2016) და ერთი ქალიშვილი, რომელიც 2014 წელს დაიბადა.[15][16][17]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. ↑ Discogs — 2000.
  2. ↑ Day.Az. Мама Айсель Теймурзаде: «Нас с Россией и Украиной связывает очень многое»
  3. ↑ 3.0 3.1 Eurovisionfamily.tv. დაარქივებულია ორიგინალიდან — 2009-06-20. ციტირების თარიღი: 2009-05-17
  4. ↑ AySel (Azerbaijan): Biography
  5. ↑ Azerbaijan: Aysel Teymurzadeh to Eurovision დაარქივებული January 19, 2009, საიტზე Wayback Machine.
  6. ↑ Norway in 'Fairytale' Eurovision win. RTÉ.ie. 17 May 2009. დაარქივებული September 1, 2009, საიტზე Wayback Machine.
  7. ↑ ESC Radio Awards 2009 დაარქივებული December 15, 2009, საიტზე Wayback Machine.
  8. ↑ APA. Aysel and Arash to give concerts in Sweden, Russia and Greece. დაარქივებული February 25, 2012, საიტზე Wayback Machine.
  9. ↑ APA. Aysel: I receive many offers of marriage after the Eurovision. დაარქივებული April 7, 2012, საიტზე Wayback Machine.
  10. ↑ Eurovision Song Contest. Snippets: Alexander's video; ask Yohanna; Aysel's new album
  11. ↑ esctoday.com. Azerbaijan: AySel stars TV commercial დაარქივებული August 3, 2010, საიტზე Wayback Machine.
  12. ↑ Azerbaijan Show Business Reps Appointed Jury for Danish National Selection დაარქივებული 2012-01-23 საიტზე Wayback Machine. . Vesti.az. 16 January 2012.
  13. ↑ Aysel Teymurzadeh Engaged to Musician. Ayna. 19 May 2012. Retrieved 5 June 2012.[მკვდარი ბმული]
  14. ↑ Aysel Teymurzadeh to Marry Murad Adigozalov. Yeni Musavat. 16 May 2012. Retrieved 5 June 2012.
  15. ↑ Tezliklə! - ANSPRESS. დაარქივებულია ორიგინალიდან — 2013-02-07. ციტირების თარიღი: 2012-12-28
  16. ↑ Aysel Teymurzadeh to Become Mother Again დაარქივებული 2014-05-14 საიტზე Wayback Machine. . Vesti.az. 14 May 2014.
  17. ↑ Aysel Teymurzadeh Became Mother for Third Time დაარქივებული 2017-07-28 საიტზე Wayback Machine. . Vesti.az. 6 October 2016. Retrieved 15 July 2017.
მოძიებულია „https://ka.wikipedia.org/w/index.php?title=აისელ_თეიმურზადე&oldid=4555587“-დან