აზერბაიჯან-კუბის ურთიერთობები
| Map indicating locations of Azerbaijan and Cuba | |
 აზერბაიჯანი |
 კუბა |
აზერბაიჯან-კუბის ურთიერთობები აღნიშნავს ორმხრივ ურთიერთობებს აზერბაიჯანის რესპუბლიკასა და კუბის რესპუბლიკას შორის პოლტიკის, სოციო-ეკონომიკურ, კულტურულ და სხვა სფეროებში. ორ ქვეყანას შორის ურთიერთანამშრომლობა ხორციელდება ისეთ სფეროებში, როგორიცაა: კულტურა, სპორტი, ენერგეტიკა, ტურიზმი, ვაჭრობა, ფარმაცევტიკა და სხვ.[1]
დიპლომატიური ურთიერთობები[რედაქტირება | წყაროს რედაქტირება]
_(cropped).jpg)
აზერბაიჯანსა და კუბას შორის დიპლომატიური ურთიერთობები 1992 წლის 27 მარტს დამყარდა.[2] აზერბაიჯანის საელჩო კუბაში (ჰავანა) 2007 წელს გაიხსნა, ხოლო კუბის საელჩო აზერბაიჯანში (ბაქო) 2008 წლიდან ფუნქციონირებს.[2] აზერბაიჯანის ელჩი კუბაში არის იაშარ ალიევი,[2] ხოლო კუბის ელჩი აზერბაიჯანში - მარსელო კაბალერო ტორესი.[3]
უმაღლესი დონის შეხვედრები[რედაქტირება | წყაროს რედაქტირება]
2005 წლის 19 სექტემბერს, გაერთიანებული ერების ორგანიზაციის მე-60 ჩარჩო-კონვენციის ფარგლებში კუბის საგარეო საქმეთა მინისტრს, ფერნანდო როგსა და აზერბაიჯანის საგარეო საქმეთა მინისტრს, ელმარ მამედიაროვს შორის შეხვედრა გაიმართა.[2] 2006 წლის 28-30 სექტემბერს ელმარ მამედიაროვი კუბაში ოფიციალური ვიზიტით იმყოფებოდა.[2] 2011 წლის 8 თებერვალს კუბის საგარეო საქმეთა მინისტრი, ბრუნო როდრიგეს პარილა ოფიციალური ვიზიტით იმყოფებოდა აზერბაიჯანში.[2] 2019 წლის ოქტომბერში კუბის პრეზიდენტი, მიგელ დიას-კანელი მიუმხრობლობის მოძრაობის XVIII სამიტზე, რომელიც ბაქოში ტარდებოდა, აზერბაიჯანს ეწვია.[4]
პარლამენტთაშორისი ურთიერთობები[რედაქტირება | წყაროს რედაქტირება]
_(cropped).jpg)
აზერბაიჯანის მილი მეჯლისში ფუნქციონირებს აზერბაიჯან-კუბის პარლამენტთაშორისი სამუშაო ჯგუფი. კუბის ეროვნულ ასამბლეაში მოქმედებს კუბა-აზერბაიჯანის პარლამენტთაშორისი სამუშაო ჯგუფი. გუნდის ლიტერი ელბის პერეს ოლივერაა.[2]
აზერბაიჯანის რესპუბლიკასა და კუბის რესპუბლიკას შორის იურიდიული ურთიერთობები რეგულირდება ათი დოკუმენტის მეჩვეობით. [5]
კუბა-აზერბაიჯანის მთავრობათშორისი კომისიის პირველი სესია 2007 წლის ნოემბერში ჰავანაში ჩატარდა. მეორე სესია მომდევნო წლის ნოემბერში ჩატარდა.[3][6]
ეკონომიკური თანამშრომლობა[რედაქტირება | წყაროს რედაქტირება]
2007 წლის დეკემბერში აზერბაიჯანის მთავრობის დელეგაციის ჰავანაში ვიზიტის დრო ენერგეტიკის სფეროში ურთიერთთანამშრომლობის სამომავლო გეგმები განიხილეს.[7] 2010 წლის ოქტომბერში აზერბაიჯან-კუბის პირველი ბიზნეს-ფორუმი გაიმართა.[1] კუბიდან აზერბაიჯანში ძირითადად ალკოჰოლის, სიგარების და თამბაქოს პროდუქტების, ხელჩანთების, საფოსტო მარკების და სხვ. იმპორტი ხდება. [5] კუბის მთავარი ინტერესი აზერბაიჯანის ნავთობისა და ბუნებრივი აირის სექტორია.[8]
სხვა სფეროები[რედაქტირება | წყაროს რედაქტირება]
2008 წელს კუბას ასობით აზერბაიჯანელი ტურისტი ეწვია.[7] 2009 წლის დეკემბერში აზერბაიჯანის სპორტისა და ახალგაზრდობის მინისტრმა, აზად რაჰიმოვმა და კუბის სპორტის, ფიზკულტურისა და რეკრეაციის ეროვნული ინსტიტუტის პირველი ვიცე-პრეზიდენტმა, რობერტო ლეო რიჩარდმა ხელი მოაწერეს შეთანხმებას სპორტის სხვადასხვა სახეობაში საერთო ღონისძიებების ჩატარებისა და გამოცდილების გაზიარების შესახებ.[9] 2010 წლის 4-6 მარტს კუბაში აზერბაიჯანის კულტურის ფესტივალი გაიმართა.[10]
2010 წელს აზერბაიჯანის კომუნიკაციებისა და საინფორმაციო ტექნოლოგიების მინისტრის, ალი აბასოვის ინიციატივით, კუბაში კომპიუტერების მწარმოებელი ქარხნის მშენებლობა დაიწყო.[1][11]
სოფლის მეურნეობის სფეროში აზერბაიჯანსა და კუბას შორის ურთიერთთანამშრომლობა ხორციელდება მსხვილფეხა რქოსანი პირუტყვის, თამბაქოს, ჩაის წარმოები, მებაღეობისა და სხვ. სექტორებში.[12] 2017 წელს კუბის ჭადრაკის ფედერაციის ვიცე-პრეზიდენტის, კარლოს რივერა გონსალესის ინიციატივით ორი ქვეყნის ჭადრაკის ფედერაციებს შორის ურთიერთთანამშრომლობის მემორანდუმი გაფორმდა.[13]
დღეისთვის აზერბაიჯანის სახელმწიფო ნავთობის აკადემიაში ასამდე კუბელი სტუდენტი სწავლობს.[7] ორი ქვეყანა ურთიერთთანამშრომლობს მობილური კომუნიკაციების და ინტერნეტ მომსახურების სფეროშიც.[1]
სქოლიო[რედაქტირება | წყაროს რედაქტირება]
- ↑ 1.0 1.1 1.2 1.3 Азербайджан готов открыть на Кубе завод по производству компьютеров ru-RU. ციტირების თარიღი: 2020-09-12
- ↑ 2.0 2.1 2.2 2.3 2.4 2.5 2.6 Wayback Machine (2018-07-16). დაარქივებულია ორიგინალიდან — 2018-07-16. ციტირების თარიღი: 2020-09-12
- ↑ 3.0 3.1 Перенесена дата второго заседания межправкомиссии Азербайджан-Куба ru. ციტირების თარიღი: 2020-09-12[მკვდარი ბმული]
- ↑ Мигель Диас-Канель: осуждаем отсутствие приверженности США принципу многосторонности ru-RU. ციტირების თარიღი: 2020-09-12
- ↑ 5.0 5.1 Cuba. ციტირების თარიღი: 2020-09-12[მკვდარი ბმული]
- ↑ 1news. Состоится первое заседание комиссии по сотрудничеству Азербайджан-Куба ru. ციტირების თარიღი: 2020-09-12
- ↑ 7.0 7.1 7.2 Узел, Кавказский. Куба и Азербайджан расширят сотрудничество в сфере туризма. ციტირების თარიღი: 2020-09-12
- ↑ Куба хочет учиться у Азербайджана бурить скважины ru-RU. ციტირების თარიღი: 2020-09-12
- ↑ Азербайджан и Куба подписали соглашение на пять лет. ციტირების თარიღი: 2020-09-12
- ↑ Rebelde, Radio. Azerbaijan Culture Festival to be Held in Cuba. დაარქივებულია ორიგინალიდან — 2010-03-04. ციტირების თარიღი: 2020-09-12
- ↑ NEWEurope. (2010-10-10) Azerbaijan, Cuba sign ICT agreement en-US. ციტირების თარიღი: 2020-09-12[მკვდარი ბმული]
- ↑ АЗЕРБАЙДЖАН И КУБА ОБЛАДАЮТ ШИРОКИМИ ВОЗМОЖНОСТЯМИ ДЛЯ СОТРУДНИЧЕСТВА В ОБЛАСТИ СЕЛЬСКОГО ХОЗЯЙСТВА ru. ციტირების თარიღი: 2020-09-12
- ↑ FS. Azerbaijan and Cuba Chess Federations sign MoU. ციტირების თარიღი: 2020-09-12