აზერბაიჯანული მთის მერინოსი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება

აზერბაიჯანული მთის მერინოსი — წმინდა მატყლიანი ცხვრის ჯიში. გამოყვანილია აზერბაიჯანის სსრ-ის გაბედაისა და შამქორის რაიონების კოლმეურნეობებში ადგილობრივი უხეშმატყლიანი ბოზახის ცხვრის შეჯვარებით ჯერ მერინოსულ, შემდეგ კი კავკასიურ და ასკანიური ჯიშის ერკემალთან. ჯიში დამტკიცებულია 1947 წელს. აზერბაიჯანული მთის მერინოსი მაგარი კონსტიტუციისაა, დაავადებათა მიმართ გამძლეა, კარგად არის შეგუებული მთის საძოვრულ პირობებს და იტანს შორეულ გადარეკვას. ცოცხალი მასა ერკემლისა — 80-90 კგ (უდიდესი 120 კგ), ნერბისა — 45-55 კგ (უდიდესი 80 კგ). მატყლის ნაპარსი — ერკემლისა 8-10 კგ, ნერბისა 4,5-5 კგ; სუფთა მატყლის გამოსავალი 45%-მდე, საკამვოლეა (64-70-ე ხარისხისა); სიგრძით 7-12 სმ.

ლიტერატურა[რედაქტირება | წყაროს რედაქტირება]