აზერბაიჯანი ევროვიზიის სიმღერის კონკურსზე (2011)
_cropped.jpg)
აზერბაიჯანი 2011 წლის ევროვიზიის სიმღერის კონკურსზე დიუსელდორფში, გერმანიაში წარსდგა სიმღერით „Running Scared“, რომელიც Eldar & Nigar-მა შეასრულა და პირველი ადგილი დაიკავა.[1]
ევროვიზიამდე[რედაქტირება | წყაროს რედაქტირება]
Milli Seçim Turu[რედაქტირება | წყაროს რედაქტირება]
Milli Seçim Turu 2011 აზერბაიჯანის საზოგადოებრივი მაუწყებლის მიერ ორგანიზებული ნაციონალური ფინალი იყო რომლის მეშვეობითაც იმავე წლის ევროვიზიის სიმღერის კონკურსის წარმომადგენელი შეირჩა. შეჯიბრი 2010 წლის 15 ნოემბერს დაიწყო და საბოლოოდ, გამარჯვებული 2011 წლის 11 თებერვალს გამოვლინდა.
ფორმატი[რედაქტირება | წყაროს რედაქტირება]
კონკურსის ფორმატი ცხრა შოუს მოიცავდა: შვიდი კვირის განმავლობაში ჩატარებულ ტურებს, რომლებიც 15 ნოემბრიდან 31 დეკემბრის ჩათვლით ტარდებოდა, 5 დღის განმავლობაში. ნახევარფინალი 2011 წლის 10-14 იანვარს ჩატარდა, ხოლო ფინალი 2011 წლის 11 თებერვალს გაიმართა. ტურების დროს და ნახევარფინალში ყოველი მონაწილე უცხოურ სიმღერას (ორშაბათი), აზერბაიჯანულ სიმღერას (სამშაბათი), ევროვიზიაზე უკვე გაჟღერებულ სიმღერას (ოთხშაბათი) და ჟიურის მიერ შერჩეულ სიმღერას (ხუთშაბათი) ასრულებდა. ტურში გამარჯვებულ კონკურსანტებს ჟიური პარასკევს აცხადებდა.
შვიდი ტურის და ნახევარფინალის გამარჯვებულები ჟიურის შეფასებისა და ტელემაყურებელთა მიერ გაგზავნილი შეტყობინებების რაოდენობის მიხედვით გამოავლინეს. ყოველი ტურის გამარჯვებული ნახევარფინალში გადადიოდა. ჟიურის კიდევ 2 კონკურსანტის შერჩევის უფლება ჰქონდა. ნახევარფინალში გადასული 9 კონკურსანტიდან 4 ფინალში გადადიოდა. ფინალისტებიდან ჟიური ინდივიდუალურად ირჩევდა გამარჯვებულს. შესარჩევი შვიდი ტური და ნახევარფინალი აზერბაიჯანის საზოგადოებრივი მაუწყებლის სტუდიაში გაიმართა, რომლის წამყვანებიც ჰუსნი მაჰარამოვა და ლეილა ალიევა იყვნენ, ხოლო ფინალი აზერბაიჯანის ოპერისა და ბალეტის სახელწმიფო აკადემიურ თეატრში, რომლის წამყვანიც ლეილა ალიევა იყო.
მონაწილეები[რედაქტირება | წყაროს რედაქტირება]
აზერბაიჯანის საზოგადოებრივმა მაუწყებელმა კონკურსში მონაწილეობის მსურველები 2010 წლის 6 ოქტომბრიდან მიიღო. კონკურსანტები აზერბაიჯანის მოქალაქეები ან აზერბაიჯანული დიასპორის წარმომადგენლები უნდა ყოფილიყვნენ.[2] 120 კანდიდატიდან კონკურსისთვის 77 კონკურსანტი შეირჩა.[3][4] კონკურსანტებს შორის იყო ილგარა კაზიმოვაც, აზერბაიჯანელი პოპ მომღერლის, აიგუნ კაზიმოვას ქალიშვილიც.[5]
პირველი ტური[რედაქტირება | წყაროს რედაქტირება]
პირველი ტური 2010 წლის 15-19 ნოემბერს ჩატარდა, რომელშიც ათი კონკურსანტი მონაწილეობდა. თარიქ იითი კონკურსის პირველ დღეს მონაწილეობდა, რის შემდეგაც დისკვალიფიცირდა. ნახევარფინალში ჩინგიზ მუსტაფაევი გადავიდა.
| თანმიმდევრობა | შემსრულებელი | ქულები | ადგილი |
|---|---|---|---|
| 1 | ხანა ჰასანოვა | 4 | 7 |
| 2 | აიგუნ ისმაილოვა | 6 | 5 |
| 3 | ადილ ბახიშლი | 10 | 2 |
| 4 | ტოფიგ ჰაჯიევი | 5 | 6 |
| 5 | ჩინგიზ მუსტაფაევი | 12 | 1 |
| — | — | ||
| 7 | ულვია აბასოვა | 3 | 8 |
| 8 | გულჩორა ბაბაევა | 2 | 9 |
| 9 | Next | 8 | 3 |
| 10 | ხულფუნაზ რაჯაბოვა | 7 | 4 |
მეორე ტური[რედაქტირება | წყაროს რედაქტირება]
მეორე ტური 2010 წლის 22-26 ნოემბერს გაიმართა. მასში 11 მომღერალი მონაწილეობდა. ნახევარფინალში ნურლან ნოვრასლი გადავიდა.
| თანმიმდევრობა | შემსრულებელი | ქულები | ადგილი |
|---|---|---|---|
| 1 | ისთ გრუვი | 8 | 3 |
| 2 | ფიზა ნადიროვა | 4 | 7 |
| 3 | სიტარა ნასიროვა | 5 | 6 |
| 4 | ემინ ჰასანი | 2 | 9 |
| 5 | ნაზრინ ზარბალიევა | 3 | 8 |
| 6 | ულვი რაშიდოვი | 10 | 2 |
| 7 | გუნაი ალაკბაროვა | 7 | 4 |
| 8 | იეგანა აღაევა | 0 | 11 |
| 9 | შორა საფარალიევა | 6 | 5 |
| 10 | ულვია ტალიშინსკაია | 1 | 10 |
| 11 | ნურლან ნოვრასლი | 12 | 1 |
მესამე ტური[რედაქტირება | წყაროს რედაქტირება]
მესამე ტური 2010 წლის 29 ნოემბრიდან 3 დეკემბრამდე ჩატარდა. მასში 11-მა მომღერალმა მიიღო მონაწილეობა. ნახევარფინალშიო გიუნაი იბრაჰიმლი გადავიდა. 6 დეკემბერს ნოკოლა ბარკლიმ ჟიურისგან ნახევარფინალში გადასვლის უფლება მიიღო, თუმცა შემდეგში ავადმყოფობისა და კონკურსში ცვლილებების შეტანის შემდეგ მონაწილება ვეღარ შეძლო.[6][7]
| თანმიმდევრობდა | შემსრულებელი | ქულები | ადგილი |
|---|---|---|---|
| 1 | დილშან იბადოვა | 3 | 8 |
| 2 | გიუნაი იბრაჰიმლი | 12 | 1 |
| 3 | ხაიამ ნისანოვი | 8 | 3 |
| 4 | სევინჯ აღაშირინოვა | 5 | 6 |
| 5 | ქანან გადიმოვი | 6 | 5 |
| 6 | ნიგარ ბაბაევა | 2 | 9 |
| 7 | ორხან აღაევი | 7 | 4 |
| 8 | ფარიდ მამადოვი | 1 | 10 |
| 9 | ნაზირ აღაევი | 0 | 11 |
| 11 | რინათ ალიმოვი | 4 | 7 |
ევროვიზიაზე[რედაქტირება | წყაროს რედაქტირება]
აზერბაიჯანი ევროვიზიის სიმღერის კონკურსის ნახევარფინალში მე-18 შემსრულებლად გამოვიდა, შოუს მეორე ნახევარში და 122 ქულით მეორე ადგილი დაიკავა, რითიც ფინალში მონაწილეობის უფლებაც მიიღო.[8] ფინალში ჟიურის ხმებით აზერბაიჯანი მეორე ადგილზე გავიდა (იტალიის შემდეგ), თუმცა მაყურებელთა ხმებით პირველი ადგილი დაიაკავა.[9]
ნახევარფინალში აზერბაიჯანმა მეორე ადგილი დაიკავა 122 ქულით: 124 ქულა მას აზერბაიჯანის ტელეხმების მეშვეობით მიენიჭა, რითიც მეორე ადგილი დაიკავა და ამავდროულად, ჟიურის მიენ მინიჭებული 109 ქულითაც მეორე ადგილზე გავიდა. ფინალში აზერბაიჯანმა 221 ქულა დააგროვა: 223 ქულა მაყურებელთა ხმებით, რითიც პირველ ადგილზე გავიდა და 182 ქულა ჟიურის შეფასებით, რითიც მეორე ადგილზე გავიდა. აზერბაიჯანმა საშუალოდ ყოველი ქვეყნისგან 5.14 ქულა მიიღო, რითიც მაშინდელი ხმის მიცემის სისტემის შემთხვევაში რეკორდი დაამაყარა - 1975 წლიდან 2015 წლის ჩათვლით აზერბაიჯანმა ყველაზე ცოტა ქულით შეძლო კონკურსის მოგება.
იხილეთ ასევე[რედაქტირება | წყაროს რედაქტირება]
აზერბაიჯანი ევროვიზიის სიმღერის კონკურსზე
ევროვიზიის სიმღერის კონკურსი 2011
რესურსები ინტერნეტში[რედაქტირება | წყაროს რედაქტირება]
- Eldar and Nigar - Official Website of Azerbaijani Participants for Eurovision 2011.
- Eldar & Nigar - Eurovision 2011 Winners! (official video)
- ITV's official Eurovision site
- Eurovision Azerbaijan Official Website
- Eurovision Azerbaijan Fan Website
სქოლიო[რედაქტირება | წყაროს რედაქტირება]
- ↑ Halliwell, Mits. (31 May 2010) EUROVISION 2011 - 14 countries already confirm participation for 2011. Oikotimes. დაარქივებულია ორიგინალიდან — June 5, 2010. ციტირების თარიღი: 4 August 2010.
- ↑ Hondal, Victor. (6 October 2010) Azerbaijan kicks off Eurovision 2011 selection. EscToday.com. დაარქივებულია ორიგინალიდან — 9 October 2010. ციტირების თარიღი: 7 October 2010.
- ↑ AZERBAIJAN - Update on Azeri selection; 77 proceed. Oikotimes.com (3 November 2010). ციტირების თარიღი: 3 November 2010.
- ↑ AZERBAIJAN - Ictamai gets 120 submissions for national selection. Oikotimes (19 October 2010). ციტირების თარიღი: 19 October 2010.
- ↑ Daughter of Prominent Azerbaijani Singer Preparing for Eurovision. Day.az. 18 October 2010. Retrieved 25 October 2010.
- ↑ Azerbaijan: Nikola Barkley, wildcard in the final. EscToday.com (6 December 2010). ციტირების თარიღი: 7 December 2010.
- ↑ AZERBAIJAN - Scottish singer pulls out of the race. Oikotimes.com (11 January 2011). ციტირების თარიღი: 11 January 2011.
- ↑ Bruce, Walker. Blue can't but Ell and Nikki can. ციტირების თარიღი: 15 May 2011.
- ↑ Bakker, Sietse. (2011-05-26) EBU reveals split televoting and jury results. European Broadcasting Union. ციტირების თარიღი: 15 May 2013.