აზერბაიჯანის სახელმწიფო ხაზინის სააგენტო

აზერბაიჯანის სახელმწიფო ხაზინის სააგენტო
	აზერბაიჯანის სახელმწიფო ხაზინის სააგენტო; Azərbaycan Respublikası Maliyyə Nazirliyinin Dövlət Xəzinədarlığı Agentliyi
უწყების შესახებ
შეიქმნა	თებერვალი, 2009
ზემდგომი უწყება	აზერბაიჯანის ფინანსთა სამინისტრო
	საიტი
	http://www.maliyye.gov.az/static/23/dovlet-xezinedarligi-agentliyi

აზერბაიჯანის ფინანსთა სამინისტროს სახელმწიფო ხაზინის სააგენტო (აზერ. Azərbaycan Respublikası Maliyyə Nazirliyinin Dövlət Xəzinədarlığı Agentliyi) — სახელმწიფო ორგანო, რომელიც პასუხისმგებელია ბიუჯეტის შემოსავლების გადახდის უზრუნველყოფაზე, ბიუჯეტის არამიზნობრივი ხარჯების კლასიფიკაციის შესაბამისად. აღნიშნული ფინანსური ოპერაციების განხორციელებისას სააგენტო იყენებს ერთიან სახაზინო ანგარიშს.

აზერბაიჯანის რესპუბლიკის ფინანსთა სამინისტროს სახელმწიფო ხაზინის სააგენტოს შესახებ დებულება დამტკიცდა აზერბაიჯანის რესპუბლიკის პრეზიდენტის 2009 წლის 9 თებერვლის No48 ბრძანებულებით^[1].

სტრუქტურა[რედაქტირება | წყაროს რედაქტირება]

სააგენტოს ხელმძღვანელობს დირექტორი, რომელსაც ნიშნავს და თანამდებობიდან ათავისუფლებს აზერბაიჯანის ფინანსთა მინისტრი. ის პირდაპირ პასუხისმგებელია მისთვის დაკისრებული ყველა მოვალეობის შესრულებაზე. დირექტორს ჰყავს ორი მოადგილე, რომლებსაც თანამდებობაზე ნიშნავს ან ათავისუფლებს ფინანსთა მინისტრი.

აქტივობა[რედაქტირება | წყაროს რედაქტირება]

აუდიტის პირველ ეტაპს სააგენტო ახორციელებს. იგი მოქმედებს აზერბაიჯანის რესპუბლიკის კონსტიტუციის, აზერბაიჯანის რესპუბლიკის მინისტრთა კაბინეტის გადაწყვეტილებებისა და ბრძანებების, აგრეთვე აზერბაიჯანის რესპუბლიკის მიერ რატიფიცირებული საერთაშორისო ხელშეკრულებებისა და სამინისტროს სახელმწიფო ხაზინის სააგენტოს დებულებების შესაბამისად. სააგენტოს საქმიანობასთან დაკავშირებული ყველა ხარჯი ფინანსდება აზერბაიჯანის სახელმწიფო ბიუჯეტიდან და კანონმდებლობით განსაზღვრული სხვა წყაროებიდან^[2]^[3]

აზერბაიჯანის სახელმწიფო ხაზინის სააგენტო უფლებამოსილია მონაწილეობა მიიღოს სახელმწიფო ბიუჯეტის ინდიკატორების მომზადებაში, ასევე გააკონტროლოს ეს პროცესი. სამოქმედო გეგმის მიხედვით, რომელიც დამტკიცდა აზერბაიჯანის მინისტრთა კაბინეტის 2020 წლის 4 აპრილის ბრძანებულებით, სახელმწიფო ხაზინის სააგენტო ყოველწლიურად ფინანსურ დახმარებას უწევს მეწარმეებს და გადასახადის გადამხდელებს. აღნიშნული კანონი მიღებულ იქნა კორონავირუსის პანდემიის გამო, რამაც ქვეყნის ეკონომიკაზე უარყოფითი ზეგავლენა მოახდინა^[4].

2020 წლის დეკემბერში, აზერბაიჯანის არმიის დახმარების ფონდის რეგლამენტის შესაბამისად, რომელიც დაამტკიცა აზერბაიჯანის პრეზიდენტმა, გაიხსნა ხაზინის სპეციალური ანგარიში აზერბაიჯანის არმიის დახმარების ფონდიდან თანხების მოსაზიდად^[5].