აზერბაიჯანის ეროვნული სახელმწიფო აკადემიური დრამატული თეატრი

მასალა ვიკიპედიიდან — თავისუფალი ენციკლოპედია
Jump to navigation Jump to search
აზერბაიჯანის ეროვნული სახელმწიფო აკადემიური დრამატული თეატრი

აზერბაიჯანის ეროვნული სახელმწიფო აკადემიური დრამატული თეატრი (აზერ. Azərbaycan Dövlət Akademik Milli Dram Teatrı) — აკადემიური დრამატული თეატრი ბაქოში, აზერბაიჯანის დედაქალაქში.

  • 1974 წლის სსრკ - ს საფოსტო მარკა, 100 წლის თავისადმი მიძღვნილი ა. შაიგის სახელობის თოჯინების აზერბაიჯანის თეატრისადმი.

თეატრის ისტორია[რედაქტირება | წყაროს რედაქტირება]

1919 წელს დაქუცმაცებული აზერბაიჯანული თეატრალური დასები ერთიანდებიან და თეატრი იღებს სახელმწიფო სტატუსს. 1919 წლის 17 ნოემბერს აზერბაიჯანის დემოკრატიული რესპუბლიკის მთავრობის სხდომაზე, ასევე მოსმენილი იქნა განათლების მინისტრის მოხსენება თურქულენოვანი საოპერო-დრამატული თეატრის ორგანიზების შესახებ. გარდა ამისა მხარი დაეჭირა სახელმწიფო თურქულენოვანი სახელმწიფო ოპერისა და დრამატული თეატრის შექმნის პროექტს, რის შედეგად აზერბაიჯანული თეატრი ნაციონალიზირებული იქნა და გადავიდა სახელმწიფო დაქვემდებარებაში. 1962 წელს აშენებული თანამედროვე შენობის არქიტექტორები არიან გ. ალი-ზადე და მ. მადატოვი. 1962 წელს შენობის წინ ასევე დაიდგა ფიზულის ძეგლი.[1]

სხვადასხვა წლებში თეატრი ატარებდა სხვადასხვა დასახელებას: „სახელმწიფო თეატრი“, „გაერთიანებული თეატრი“, „აზერბაიჯანის თურქულენოვანი დრამატული თეატრი“ და ა. შ. 1923—1933 წლებში თეატრი ატარებდა დადაშ ბუნიატზადეს სახელს, ხოლო 1933—1991 წლებში მეშადი აზიზბეკოვის სახელს. 1991 წელს თეატრს გადაერქვა სახელი და ეწოდა „აზერბაიჯანის სახელმწიფო აკადემიური დრამატული თეატრი“.

მოღვაწეობა[რედაქტირება | წყაროს რედაქტირება]

საბჭოთა პერიოდში წარმატებული მოღვაწეობისათვის თეატრი დაჯილდოვებულ იქნა სხვადასხვა ჯილდოებით. თეატრის არსებობის დროს მის სცენაზე გამოდიოდნენ ისეთი მსახიობები, როგორებიც არიან ჰუსეინ არაბლინსკი, აბას-მირზა შარიფზადე, ულვი რაჯაბი, მუხტარ დადაშევი, ჯაჰანგირ ზეინალოვი, მირზა აღა ალიევი, სიდჰი რუჰულა, ევგენია ოლენსკაია, ალესკერ ალექპეროვი, ადილ ისკანდეროვი, ბარატ შეინსკაია, ლეილა ბადირბეილი და მრავალი სხვა ცნობილი მსახიობი.

თეატრში იდგმებოდა სპექტაკლები ჯაფარ ჯაფარლის, მირზა ფათალი ახუნდოვის, ალი ბეგ ჰუსეინზადეს, ნაჯაფ ბეგ ვეზიროვის, ჰუსეინ ჯავიდის, საბით რახმანის, ნარიმან ნარიმანოვის, ილიას ეფენდიევის, ასევე ისეთი მსოფლიო კლასიკოსების ნაწარმოებების მიხედვით, როგორებიც არიან შექსპირი, შილერი, მოლიერი, დიუმა, ვ.ჰიუგო, ბალზაკი, პუშკინი, ლერმონტოვი, ტოლსტოი, გოგოლი.

თეატრის დასი არაერთხელ იყო გასტროლებზე მოსკოვში, სანქტ-პეტერბურგში, ყაზანში, თბილისში, ტაშკენტში, აშხაბადში, თურქეთში, გერმანიაში და კვიპროსზე.

თეატრის ზოგიერთი დადგმა დაჯილდოვდა, როგორც აზერბაიჯანის, ასევე სსრკ-ს სახელმწიფო პრემიებით.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Национальный музей истории Азербайджана. Элм 2008