აზერბაიჯანის გეოლოგიის მუზეუმი

აზერბაიჯანის გეოლოგიის მუზეუმი — მდებარეობს აზერბაიჯანში. მუზეუმის ძირითად საქმიანობას კლდეების, მინერალებისა და მადნეულის ნიმუშების შესწავლა და ქვეყნის მინერალებისა და ნედლეულის ბაზის საფუძველზე დახასიათება წარმოადგენს.

ისტორა

მუზეუმი 1969 წელს დაარსდა. 1982 წელს აზერბაიჯანის საბჭოთა სოციალისტური რესპუბლიკის მინისტრთა საბჭოს გადაწყვეტილებით მას „აზერბაიჯანის გეოლოგიის მუზეუმი“ ეწოდა.

2008 წლის 21 მაისს აზერბაიჯანის რესპუბლიკის პრეზიდენტმა, ილჰამ ალიევმა ხელი მოაწერა ბრძანებას ბუნებრივი რესურსებისა და გარემოს სამინისტროს საქმიანობის გასაუმჯობესებლად საპრეზიდენტო სარეზერვო ფონდიდან 1 მილიონი აზერბაიჯანული მანათის გამოყოფის შესახებ. ბრძანების შესაბამისად მუზეუმს რეკონსტრუქცია ჩაუტარდა და სტრუქტურა თანამედროვე მოთხოვნილებების შესაბამისად განახლდა. მუზეუმს 639 მ² ფართობი უკავია. განაზლებული მუზეუმი 2010 წლის 25 დეკემბერს გაიხსნა.

ექსპოზიცია

მუზეუმის საგამოფენო დერეფანში 500-ზე მეტი მადნეული, არა-მადნეული, სამშენებლო მასალა, მოსაჩუქურთმებელი და მოსაპირკეთებელი ქვის, ბუნებრივი ქვების, მინერალური, პალეონტოლოგიური ნიმუშები, აზერბაიჯანისა და მსოფლიოს სხვა რეგიონების მინერალური რესურსების გეოლოგიური რუკები, ალბომები და ბუკლეტებია გამოფენილი.მუზეუმში 6 განყოფილებაა.

2016-2017 წლებში სამუზეუმო ფონდში 15 ექსპონატი, მათ შორის კვარცის მინერალები და დეკორატიული ქვები შევიდა. ექსპონატები დაშქესანისა და ხირზის რეგიონებში, ასევე მცირე კავკასიონისა და კავკასიონის ჩრდილო-აღმოსავლეთ ნაწილში მოიპოვეს. კვარცის ნიმუში ზაქათალის რეგიონში აღმოაჩინეს.

რეგიონული გეოლოგია

რეგიონული გეოგრაფიის სექციააში წარმოდგენილია სტრატიგრაფიული, ლითოლოგიური, პეტროგრაფიული, ტექტონიკური, მაგნეტიზმის, მორფოლოგიის, ვულკანური, მიწისქვეშა მინერალური წყლებისა და მინერალური დეპოზიტების გეოლოგიური რუკები. რესპუბლიკის გეოლოგიური რუკა დაფუძნებულია რელიეფზე, რომელიც 1: 100 000 სკალაზე. განყოფილებაში წარმოდგენილია კავკასიის გეოლოგიური რუკაც, 1: 500,000 სკალით. განყოფილებაში გამოფენილია 500 იშვიათი კლდის, მადნისა და მონო-მინერალის ნიმუში.

პეტროგრაფია

პეტროგრაფიის განყოფილებაში წარმოდგენილია ინტრუზიული და ეფუზიური, დანალექი და მეტამორფული კლდეებისა და ქვების ნიმუშები. კოლექციებში შეტანილია როგორც აზერბაიჯანის რეგიონის, ისე მსოფლიოს სხვა რეგიონის ნიმუშებიც.

მინერალოგია

მინერალოგიის განყოფილებაში გამოფენილია როგორც აზერბაიჯანიის რესპუბლიკის, ისე მსოფლიოს სხვა რეგიონების მინერალური ნიმუშების კოლექციები. განყოფილებაში მინერალების კრისტალური აგრეგატები, თავისუფალი ელემენტები, სულფიდები, ოქსიდები, კარბონატები, ფოსფატები და ჰიდროქსიდებია წარმოდგენილი.

პალეონტოლოგია

პალეონტოლოგიის განყოფილებაში გამოფენილია სილურული სისტემიდან ნეოგენურ სისტემამდე ხანის ფლორისა და ფაუნის ნიმუშები.

რესურსები ინტერნეტში

• აზერბაიჯანის რესპუბლიკის ბუნებრივი რესურსებისა და ეკოლოგიის სამინისტროს ვებ-საიტი